اسلام آباد۔ 28 مئی (اے پی پی)مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ پولی کلینک ءِ تہ نادراھانی رش ءَ را کم کنگ ءُُ گہترکاری ءِ وسیلگ ءَ نادراھ جاء ءِ تہ گہتری آرگ ءِ ھاترا کمیٹی جوڈ کتگ۔کمیٹی ہفتہ وار بنیاتاں پیسلہ کنان ءَ وڈ ءُُ پیم ءَ را سدکی جوڈ کن ایت تنکہ زوتاں زوت نادراھ جاھ ءِ گہتری ءَ را سدکی جوڈ کنگ بیت۔اے ھیالانی درشان آہاں سئے شمبے ءَ پولی کلینک نادراھ جاھ ءِ تروتاب ءِ موہ ءَ گپ ءُُ تران کنان ءَ کتگ ات۔تروتاب ءِ موہ ءَ پولی کلینک ہسپتال ءِ ایگزیکٹو ڈائریکٹر ڈاکٹر شاہد حنیف ءَ مزن وزیر ءِ ھاسیں کمکار ءَ را نادراھ جاھ ءَ را دیم چیلنجز ءُُ دیمروئی ءِ کارانی باروا سرپدی داتگ۔پدا آہاں ایمرجنسی ءُُ دگہ وارڈز ءِ تروتاب کتگ،اودا نادراھاں را داتگیں طبی آسراتی ءِ سرا چار ءُُ تپاس کتگ۔ ڈاکٹر ظفر مرزا ءَ نادرھاں چہ جست ءُُ پرس ھم کتگ۔اے درگت ءَ ڈاکٹر ظفر مرزا ءِ گوشگ ات کہ مروچی یک اعلانیہ تروتاب ءِ سرا پولی کلینک ءَ اتکگ اوں،اے تروتابءِ مکسد مزن وزیر عمران خان ءِ وژن ءِ ردا اسلام آباد ءِ شہریاں را جان سلامتی ءِ گہتریں آسراتی ءِ پھجارگ ءَ را سدکی جوڈ کنگ ءُُ جان سلامتی ءِ تک ءِ تہ گہتری آرگ انت۔آہانی گوشگ ات کہ مزن وزیر ءِ وژن ءُُ کڈنی ءِ ردا پمز نادراھ جاھ ءِ تہ گہترکاریءِ کارءِ بنگیجی کتگ انت،نوں مہ پولی کلینک ءِ تہ ھم پولی کلینک ءِ تہ گہتری ءِ ھاترا کار بناء کتگ انت ءُُ مروچیگیں تروتاب ایشی ءِ کڑی انت۔ھاسیں کمکار ءَ گوشت کہ مزن وزیر زوت جان سلامتی ءِ تہ ءَ گہتری آرگ ءِ ھاترا گہترکاری ءِ جار جن انت۔آہاں گوشت کہ مروچیگیں تروتاب ءِ موہ ءَ نادراجاھ ءِ ٹوھیں ڈاکٹراں گوں منی گند ءُُ نند بوتگ انت۔(ن۔ا۔ج)
