اسلام آباد۔ 28 مئی (اے پی پی)راجی اسمبلی ءِ قائمہ کمیٹی برائے دفاع ءَ پاک فوج ءِ گوما یکجہتی ءِ درشان کنان ءَ شمالی وزیرستان ءِ تہ پاک فوج ءِ چیک پوسٹ ءِ سرا اُرش ءِ ایرادی منگ نامہ گوں تپاکی ءَ من اتکگ۔منگ نامہ ءَ گوشگ بوتگ کہ پاک فوج ءَ گوں یکجہتی ءِ درشان کت پدر کتگ کہ مہ یک پُرامنیں راج انت،مئے مذہب ایمنی ءِ درس ءَ دیگ انت۔سلاھ بندیں اُردو ءُُ مھلوک ءِ قربانیاں را کدی ھم ضیان کنگ نہ یلہ دنت،امروچی اگہ اے رنگیں بیمکارانی ھلاپ ءَ کارروائی مہ کتگ تو ملکءِ تہ اے رنگیں واکیہ ءِ تہ گیشی بیت،سیاسی گل ھم وتی مثبت کردءَ ادا کن انت،مہلوک ءَ را لاشعوری وڈ ءَ گمراہ کنوکیں ءُُ غلط فہمی تالان کنوکیں مردمانی ھلاپ ءَ کارروائی الم انت۔سئے شمبے ءَ راجی اسمبلی ءِ قائمہ کمیٹی برائے دفاع ءِ دیوان چیئرمین کمیٹی امجد علی خان ءِ سروکی ءَ پارلیمنٹ ہاوس ءِ تہ برجم دارگ بوتگ۔ سیکرٹری دفاع لیفٹیننٹ جنرل (ر) اکرام الحق ءَ کمیٹیءَ را خڑکمر چیک پوسٹ ءِ سرا اُرش ءِ ھوالہ چہ بریفنگ دیان ءَ سرپد کتگ کہ خڑکمر چیک پوسٹ ءِ سرا گوستگیں ماہ ءِ تہ دوبراُرش کنگ بوتگ،25جولائی ءَ سیکیورٹی فورسز ءَ دوشکیگیں مردم ءَ را دزگیر کتگ ءُُ ہمہ روچ ءَ اودی مشران ءِ گوما گند ءُُ نند بوتگ ایشی ءِ تہ آہاں را سرپد کتگ کہ یک مردمے ناشرکاری ءِ کارروائی ءَ براہ راست ملوث انت وھدیکہ دومی تنیگہ شکی انت۔اے گند ءُُ نند ءِ تہ تپاک کنگ بوتگ کہ مشتبہ مردم ءَ را یلہ دیگ بیت ایشی ءِ بنیات ءَ ننداک ھلاس کنگ ءِ جار جنئگ بوتگ بلے پدا پشتون تحفظ موومنٹ ءِ دو ایم این ایز ءَ ٹیلی فون کنان ءَ ننداک دیوکاں را گوشت کہ آں دوبر واتر بنت ءُُ ننداک ءَ نندانت۔دوئیں اسمبلی باسکاں چیک پوسٹ چہ گوزان ءَ زاں ھم داتگ انت بلے پاک فوج ءِ ورناہاں صبر ءِ درشان کتگ، شرپسند عناصر ءَ پاک فوج ءِ سرا پتھراو کتگ تو آہاں را منتشر کنگ ءِ کوشست کنگ بوتگ،ایشی ءِ پسو ءَ دومی نیمگا چہ تیرکاری کنگ بوتگ ایشی ءِ آسر ءَ پاک فوج ءِ 5ورناہ ٹپی بوتگ ات،ایشی ءِ ابید پاک فوج ءَ براہ راست تیرکاری ءِ ابید گواتی تیرکاری کتگ تنکہ زارشانی کنوکیں مردم منتشر بنت۔ چیئرمین قائمہ کمیٹی امجد علی خان ءَ پاک فوجءِ گوما یکجہتی ءِ درشان کنان ءَ اے واکیہ ءِ مذمتی قرارداد ءِ سرا ھیالانی درشان کنان ءَ گوشت کہ لہتیں دھکاں چہ جاڑی ناشرکاری ءِ ھلاپ ءَ جنگ ءِ تہ سلاھ بندیں اُردو ءُُ مہلوک ءِ قربانیاں چہ امن ءِ نیمگا روگ انت ءُُ دگنیا ءِ ایشی ءَ را منگ انت۔دیوان ءَ را سرپد کنگ بوتگ کہ چیک پوسٹ ءِ سرا اُرش کنوکاں را سیمسر ءِ دیما چہ گائیڈ لائن دیگ بوھگ ات،اے فورم اے رنگیں مردمانی ھلاپ ءَ سکیں کارروائی ءِ سفارش کنگ انت۔ قائمہ کمیٹی ءُُ دراھیں راج پاک فوج ءَ گوں پج ءَ اوشتاتگ انت۔مئے فوج ءِ مورال برز بیت۔
