اسلام آباد۔ 28 مئی (اے پی پی) بلوچستان نیشنل پارٹی (مینگل) ءِ سروک نواب اختر مینگل ءَ گوشت کہ وزیرستان ءَ بوھوکیں استیں واکیہ ءُُ اوگانستان ءَ اے رنگیں واکیہ آنی پٹ ءُُ پول ءِ واستہ کمیشن جوڑ کنگ بہ بیت، ملک ءَ را جوانیں رنگ ءَ چلائینگ ءِ واستہ توامیں راج آناں ھم کچیں ھک دیگ لوٹ ایت۔ سئے شمبے ءَ راجی اسمبلی ءَ بُکگ جنان ءَ بلوچستان نینشنل پارٹی مینگل ءِ سروک مینگل ءَ گوشت کہ 28مئی ءَ ھم سال یوم ءِ تکبیر ءِ بابت ءَ گشتانک دیگ بیت بلے اے روچ ءَ چہ ابید اچ کس ءَ چاغی ءِ تر ءُُ تاب نہ کتگ۔ مرچی کریڈیٹ زورگ ءُُ دیگ بوھگ ءَ انت۔ من ایشی ءِ نہ منوک نہ آں۔ آھودا نیچرل بلا ءُُ آپت اتکگ، کینسر ءِ وبا گیش بوتگ۔ اے سال ءَ سیلاب ءِ سبب ءَ چاغی ءِ دمگ آماچ بوتگ۔ ادا کسے ءَ اے ایوان ءِ توک ءَ آ الس ءِ تران کتگ۔ الس ءَ را بنیاتی آسراتی نہ رسگ ءَ انت۔ اے مایوسی سرجمیں بلوچستان ءَ شنگ بوھان ءَ ایندگر دمگ آں سر بوتگ۔ وزیرستان ءِ واکیہ ایشی ءِ کڑی انت۔ ھمے قبائلی آں کشمیر ءِ آزاتی ءَ کرد پیلو کتگ بوتگ۔ ما لوٹاں کوھنیں جیڈھ آنی گیواری گپ ءُُ تران ءِ سر ءَ بہ بیت۔ مارا ترستاناں اے جیڈھ ءَ را پھکیں دل ءَ گوں گیواری کنگی انت۔ ایشی ءِ واستہ یک روچ ءِ گیوار بکن، یک پارلیمانی کمیشن ءِ جوڑ کنگ بہ بیت ءُُ آ وزیرستان، بلوچستان ءَ بوھوکیں واکیہ آنی چیک ءُُ تھان ءَ بکنت۔ توامیں راج آناں ھم کچیں ھک دیگ لوٹ ایت۔
