جدہ۔ 28مئی (اے پی پی) دری کارانی وزیر شاہ محمود قریشی اسلامی کمک تنظیم (او آئی سی)ءِ دری کارانی وزیرآنی دیوان ءَ ہوار بوہگءَ سے شمبے ء ِ روچءَ جدہ ءَ سربوتگ۔ جدہ ءِ کنگ عبدالعزیز میاں اوستمانی بالی پڑءِ رائل ٹرمینل ءِ سرءَ سعودی دری کارانی وزارت ءِ چیف آف پروٹوکول جمال ناصر، سعودی عرب ءَ پاکستان ءِ سفیر راجی علی اعجاز ء ُ جدہ قونصلیٹ ءِ قونصل جنرل شہریار اکبر خان ءَ آئیءَ را وش اَتک کتگ۔ اے موہءَ سعودی رائل پروٹرکول ءِ حکام ہم ساڑی بوتگ اَنت۔ دری کارانی وزیر او آئی سی ملک آ نی دری کارانی وزیر آنی دیوانءَ پاکستانءِ نمائندگی ءَ کنت۔ اے دیوان 29مئی ءَ بیت۔ دیوانءَ دونیمگی شورء ُ صلہ ءَ چہ اسلامی سروک کانفرنس ءِ مسودہ ”مکہ اعلامیہ“ ءَ را گڑی دروشم دیئگ بیت۔ سروکی کانفرنسءَ ہوار او آئی سی ءِ رابطہ گروپ برائے کشمیر ءِ دیوان ہم بوہگءِ اُمیت اِنت، ایشی ءِ تہءَ کشمیر ءِ انوگیں جاورھالءِ تپاسی کنگ بیت۔ دیوانءَ را کشمیر ءِ سرءَ بوھوکیں زُلمء ُناحقی ء ُ انسانی حقانی حلاپ ورزی آں چہ سرپد کنگ بیت۔
