اسلام آباد۔28مئی (اے پی پی) میاں اوستمانی جانء ُ سلامتی ادارگ ءِ ٹیم سے شمبے ءِ روچءَ پاکستانءَ سربوتگ، لاڑکانہ ءَ شنگ بوتگیں ایڈزءَ را گرء ُ دار کنگءَ کمک کنت۔ ڈبلیو ایچ او ءِ نمائندگ ءِ گشگءِ ردءَ ٹیم جانء ُ سلامتی وزارت ءِ دزبندی کنگءِ پدء َ اَتکگ۔ آئیءَ گشتگ کہ ٹیم وباءِ شنگ بوہگءِ وجہ ء ُ آئیءَ گرء ُدار کنگءِ ھاترءَ تکنیکی کمک کنگءَ ہوار ایڈز ءِ ٹیسٹ ءَ ابید مردماناں اے نادراہی ءِ بابتءَ سرپد مہم ء ُ ایڈز ءَ چہ رکھّگءِ دواء ُ درمان ہم دنت۔ڈبلیو ایچ او ءِ مشن ءَ زانتکاراں ابید ایمرجنسی رسپانس مینجمنٹ، ایڈز ءَ چہ رکھگ ءِ کلینک ءَ ابید انفیکشن ءَ را دارگءِ ھاترءَ سٹاف ہم است۔ ٹیم لاڑکانہ ء َ ای ایس ایڈ ء ُ یونیسف ءِ کمک ءَ ہوار منسٹری آف ہیلتھ ء ُ آغاخان یونیورسٹی ءِ کمک ءَ گوں کار کنت۔ اے وبا ءِ اولی کیس 25اپریل 2019ءَ رپورٹ کنگ بوتگ۔ تاں انوں 600ایڈزءِ کیس دیما اَتکگ کہ ایشانی تہءَ گیش کساس ورناہء ُ زھگانی اِنت۔ 16مئی ءَ را ہندی انتظامیہ ءِ نیمگءَ چہ لاڑکانہ ءَ پہ زھگانی ھاترءَ اے بابتءَ کلینک پچ کنگ بوتگ۔
