اسلام آباد۔ 27 مئی (اے پی پی) مچ آ ملک اٹی بجلی نا فراوانی ئِ گچین کننگ کن گام گیج آتا مثبت زہم مون آ بننگ ئِ، سہور انا وخت آ 99.96 درسد فیڈر پورو وڑاٹ فعال ئسر ۔ دوشنبے نادے آ راجی رابطہ نا ویب سائٹ آ اسہ بیان اسے ٹی بنجائی وزیر بجلی عمر ایوب خان پارے کہ تونسہ ڈی آئی خان ٹرانسمیشن لین نا جوڑ جاڑ کن تعلقدار کارندہ غاک مچ آ نن تینا کاریم ئِ برجاتخار۔ اوپارے کہ الس ئِ بجلی نا فراوانی ئِ گچین کننگ کن وزیراعظم عمران خان و تحریک انصاف نا حکومت پبی وڑاٹ کاریم کننگ ئُ۔
