اسلام آباد۔ 27 مئی (اے پی پی) بنجائی وزیر ہوابازی غلام سرور خان تون آذربائیجان نا سفیر علی علیزادہ اوڑدہی کرے ہراٹی ہوابازی نا بشخ اٹی تین پہ تینی تعلقداری و ہڑتوم آ ملک آتا نیام اٹ براہ راست جہاز آتا بناکننگ آ امنا کننگا۔ بنجائی وزیر غلام سرور خان پارے کہ پاکستان و آذربائیجان نا برادرانہ تعقلداریک ئُ و دا تعلقداریک تعظیم و اسہ ایلو آ پت انا سوب آن قائم ئُ ۔ آذربائیجان ن اسفیر علی علیزادہ پارے کہ آذربائیجان ہم پاکستان تون تینا رابطہ غاتے ودفنگ آ باور کیک، 1993ٹی پاکستان و آذربائیجان نا نیام اٹ ڈرافٹ ایئر سروس ایگریمنٹ جوڑ کننگا 30 ستمبر 2009 ٹی ہڑتوم آ ملک آتا نیام اٹ اسہ ایم او یو اس ہم جوڑ کننگا ہرانا رداٹ پی آئی اے (پاکستان ) ئِ 7 ہفتہ وار فلائٹس 1500 سیٹ آتون تروئی ئسک ، ہنداوڑ ازل سلک وے ویسٹ (آذربائیجان ) ئِ ہم 7 ہفتہ وار فلائٹس 1500 سیٹ آتون تروئی ئسک ، داکان بیدس ہڑتوم آ ملک آتا نیام اٹ ہوائی رابطہ جوڑ کننگ کن ترکی ایئر لین ئِ استنبول آن لاہور /اسلام آباد بارابطہ باکوکاروٹ تننگا ولے کم مسافر آتا سوب آن ترکی ایئر لائن استنبول۔باکو۔اسلام آباد روٹ ئِ جاری تخنگ مشکل مرسا کننگ ئِ۔ شعبہ ہوابازی ٹی تعلقداری تے ودفنگ نا اسہ بھلو سوب اس پاکستانی سیل و سواتی تا آذربائیجان آ ہِننگ نا ئِ، گدرینگوک آ منہ سال آن کاروبار و سیل وسوات کن بھاز انگا پاکستانیک آذربائیجان آ ہنانو۔ داتسکان کہ باکو ئِ پوسکن آ دبئی ہم پاننگ انگ ئِ کہ باکو ایلو شار تا نسبت اڑزان ہم ارے۔ بیرہ 2018 ءٹی کم و ود 25000 پاکستانی سیل و سواتی آذربائیجان نا پلو ئِ ہلکر وخت اس کہ 2017 ءٹی 55617 پاکستانی سیل و سواتی آذربائیجان آ ہنار، جنوری 2017 ٹی حکومت آذربائیجان آن لائن ویزہ آتا انعقاد ئِ کرے ہرا پاکستان اٹی بھاز زوت پنی مس۔
