صدر مملکت ڈاکٹر عارف علوی نا مہمانداری نا صنعت کن کورس آتا بارواٹ اڈ ہلوک آ دیوان آن تران

اسلام آباد۔ 27 مئی (اے پی پی) صدر مملکت ڈاکٹرعارف علوی پارینے کہ پاکستان اٹی مہمانداری نا صنعت نا شونداری نا وارخواہی تے تالان کرسا پارینے کہ داڑے ہندی و جہانی سیل و سواتی تے اتنگ کن متنو ع دودوربیدگ، منظر نامہ و مذہبی ہندآک ساڑی ئُ ، نجی بشخ پاکستان اٹی سیل و سواتی ہند آتا پٹنگ و مون آدننگ کن مہمانداری نا صنعت اٹ زرکاری کیر، دا چرجوئی ٹی غٹ ممکنہ کمک فراوان کننگک۔ او دوشنبے نادے آ ایوان صدر اٹی مہمانداری نا صنعت کن کورس آتا بارواٹ اڈ ہلوک آ دیوان نا کماشیئِ کریکہ۔ اوتربیت یافتہ افرادی واک انا اہمیت آ زور شاغا ہرا گچین مہمانداری نا خذمت آتا ودوک آ گرج آتے پورو کننگ کیک ہراڑان ملک انا سیل و سوات نا بشخ انا حقی لائخی آن فائدہ ہرفنگ مریک۔ صدر مملکت پارے کہ ہر سال ہزار آ درملکی سیل و سواتی پاکستان آ بریرہ و حکومت ای۔ ویزا، بننگ آ ویزہ نا جاری کننگ و پوسکن آ سیل و سواتی جاگہ غاتا شونداری کون آ گام گیج آتا ذریعہ سیل و سوات نا است بڈی ئِ کننگ ئِ۔ صدر مملکت نیووٹیک و ہائر ایجوکیشن کمیشن آ زور شاغا کہ ایمانداری نا بابت خذمت آتا بارواٹ نصاب نا تیاری، آن لائن تربیتی کورس آتون اوار اوار اونا آب ئِ گچین کننگ نا بابت ٹھوس سلاہ پیش کیر۔ دا چرجوئی ٹی صدر مملکت زور شاغا کہ ٹوورآپریٹرز و گائیڈ ز ہوٹل مینجمنٹ و گیسٹ سروسز کن تربیتی کورس وضع کننگے۔ دیوان اٹی چیئرمین ایچ ایس ای ڈاکٹر طارق بنوری، چیئرمین نیووٹیک سید جاوید حسن، سی ای او سیرینا ہوٹلز سویلی ایشیاءعزیز بولانی و چیف آپریٹنگ آفیسر ہاشو گروپ حسیب گردیزی ئسک ہم ساڑی ئسر۔