اسلام آباد۔ 27 مئی (اے پی پی) ازبکستان نا نائب وزیراعظم علیور گنیوف دوشنبے نادے آ اِرادے ئی سرکاری دورہ غا داڑے سرمس۔ وزارت خارجہ امور نا سینئر عہدیدار آک نور خان ایئر بیس آ ازبک نائب وزیراعظم ئِ بخیر کریر۔ داوخت آ پاکستان اٹی ازبکستان نا سفیر فرکت صدیقوف ہم ساڑی ئسک۔ زرکاری، خارجہ ، واپار ، ٹرانسپورٹ نا نائب وزیر آتون اوار بڑزکو کہول انا ڈل ہم اوڑتون اوارے۔ دفترخارجہ نا رداٹ ازبک نائب وزیراعظم وزیر خارجہ تون گپ و تران کیک و ریلوے ، ڈٹ بندی، قومی غذائی رکھ ، جان جوڑی ، واپار و زرکاری بورڈ اتون اوار چندی بنجائی وزیر وسلاہکار آتون اوڑدہی کیک۔ دفترخارجہ نا بیان اٹی پاننگانے کہ ازبک نائب وزیراعظم نا دورہ پاکستان آن چندی بشخ آتے ٹی ہڑتوم آ کنڈآتا کثیر الجہتی کمکاری ئِ پین سوگوی ملک۔ داڑان تین پہ تینی تعلقداریک پین سوگو مریرہ و علاقائی رابطہ غاتا مون آ دننگ اٹ ہم کمک رسینگک ۔ دادورہ غان نیامی ایشیاتون پاکستان نا رابطہ غاتے زیات کننگ اٹ ہم کمک رسینگک۔
