اسلام آباد۔ 27 مئی (اے پی پی) وزیراعظم عمران خان پارت کرینے کہ اوار کروک آ علاقہ غاتا الس ئِ جان جوڑی انصاف کارڈ انا فراوانی اسکان دا آسراتی تے تننگے کہ او تینا شناختی کارڈ ئِ کاریم اٹ اتسا جان جوڑی انصاف کارڈ انا آسراتی آن فائدہ ہرفنگ کیر۔ اوداہیت ئِ دوشنبے نادے آ بڑزکو کہول انا دیوان اسے نا کماشئِ کرسا پارے۔ دیوان اٹی وزیر ڈٹ بندی خسرو بختیار، وزیر توانائی عمر ایوب ، سلاہکار خزانہ ڈاکٹر حفیظ شیخ، وعزیراعلیٰ خیبر پختونخوا محمود خان، خصوصی کمکار جان جوڑی ڈاکٹر ظفر اللہ، صوبائی وزیر خزانہ کے پی تیمور سلیم خان جھگڑا و تعلقدار محکمہ غاتا بنجائی سیکرٹریک بشخ ہلکر۔ دیوان اٹی اوار کروک آ علاقہ غاتا جوڑ جاڑ و شونداری و دا علاقہ غاتا الس ئِ جان جوڑی نا آسراتی تا فراوانی نا بابت معاملہ غاتا جاچ ئِ ہلنگا۔
