اسلام آباد۔ 29جنوری (اے پی پی ) منصوبہ بندیءُ دیمروئی ءِ بنجاہی وزیر مخدوم خسرو بختیار ءَ گشتگ کہ چین پاکستان اقتصادی راہداری ءِ ردءَ صنعتی دیمروئی ءَ تینز کنگءِ ھاترءَ سرجمیں کوشستاں کنگءَ اِنت تنکہ ملکءَ مزنیں ءُ ڈنی زرکاری ءِ موہ آرگ بہ بنت۔ اے حیالانی درشانی آئیءَ زرکاری بورڈ ءِ چیئرمین ہارون شریف ءَ گوں گندءُ نند کنانءَ کتگ۔ گندءُ نندءَ پلاننگ سیکرٹری پلاننگ ظفر حسن ءُ پراجیکٹ ڈائریکٹر سی پیک حسان داؤد ہم ہوار بوتگ اَنت۔ مخدوم خسرو بختیار ءَ صنعت کاری ءِ عمل ءَ را تینز کنگءَ صوبہ آنی کردانی سرءَ چمشانک داتگءُ پنتءُ شون کتگ کہ صوبائی ادارگ آں ہوار اے موہءَ چہ پائدگ چست کنگ بیت۔ دیوان ءَ اے فیصلہ ہم کنگ بوتگ کہ سی پیک ءِ ردءَ جائنٹوینچرز ءَ را گیش کنگ بیت ءُ اے ہوالگءَ نجی زرکارانی دلبڈی کنگ بیت تنکہ گیشاں چہ گیش صنعت جوڑ کنگ بہ بنت ۔
