مزن وزیر محمد شہباز شریف ءَ کسان ءُ میاں اوستمانی کاروباری مردم آنی واستہ وام ءِ کلیں زرّ 2028 ءَ تاں یک ءُ یک کھرب ءَ چہ دو کھرب ءَ گیش کنگ ءِ پنت ءُ شون

اسلام آباد۔12اکتوبر  (اے پی پی): مزن وزیر محمد شہباز شریف ءَ کسان ءُ میاں اوستمانی کاروباری مردم آنی واستہ کلیں وام ءِ زرّ ءَ را 2028ءَ تاں 1.1کرب کلدار ءَ چہ 2.2کرب کلدار ءَ گیش کنگ ءِ پنت ءُ شون کتگ۔ پدمنتگیں دمگ آنی مردم آناں جتا جتائیں شوبگ آنی تہ ءَ کاروبار ءِ بندات کنگ ءِ موہ دیگ ءَ چہ اے دمگ آنی دیمروئی ءُ وشھالی ءِ واستہ سودمند ثابت بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ سامڈسا ءِ ھوالگ ءَ مزن وزیر محمد شہباز شریف ءِ سروکی ءَ دیوان برجم دارگ بوت۔ مزن وزیر محمد شہباز شریف ءَ گوشت کہ کاروباری برات کجام ھم ملک ءِ معیشت ءِ ریڑھ ءِ ھڈ اِنت وھدیکہ پاکستان ءَ کسان ءُ میاں اوستمانی ادارگ آنی تہ ءَ راجی معیشت ءِ دیمروئی ءِ واستہ بے دروریں گنجائش است اِنت۔ آئی ءَ گوشت کہ سامڈسا ءَ برجاھیں اصلاحات آنی محور کسان ءُ میاں اوستمانی کاروباری مردم آناں بااختیار جوڑ کنگ اِنت۔ مزن وزیر ءَ گوشت کہ پد منتگیں دمگ آنی مردم آناں توان دیگ ءَ چہ اے دمگ آنی چہ مزنیں شہر آنی تہ ءَ ھجرت ءِ تہ ءَ کمی کیت ءُ ملک ءِ سرجمیں دیمروئی ءَ را دیم ءَ برگ بیت۔ پدمنتگیں دمگاں گوں سیادی داروکیں مردماں جتا جتائیں شعبہ آنی تہ ءَ کاروبار ءِ بندات کنگ ءِ موہ ءِ پجارینگ اے دمگ آنی دیمروئی ءُ وشھالی ءِ واستہ فائدگ مند ثابت بیت۔ مزن وزیر ءَ پنت ءُ شون کت کہ ایس ایم ڈی اے ءَ را کاروبار ءِ واستہ وام زورگ ءِ کارروائی ءِ بابت ءَ گیش ءَ چہ گیش مردم آناں سرپد کنگ ءِ واستہ یک سرجمیں ایکشن پلان ءِ جوڑ کنگ بہ بیت ءُ کاروباری چست ءُ ایر آنی دیمروئی ءِ ھوالگ ءَ الس ءِ تہ ءَ سرپدی پیداک کنگ ءِ واستہ موثر گامگیج چست کنگ بہ بیت۔ آئی ءَ پنت ءُ شون کت کہ جتا جتائیں شوبگ آنی تہ ءَ کسان ءُ میاں اوستمانی کاروبار ءِ جوڑ کنگ ءِ واستہ فزیبلٹی اسٹڈیز محکمہ آنی ماہرین آنی نیمگ ءَ تیار کنگ بہ بنت ءُ آ دمگی زبان آنی تہ ءَ ھم دستیاب کنگ بہ بنت تانکہ سرجمیں ملک ءَ واھشت مندیں کاروباری مردم ایشی ءَ چہ سرجمیں رنگ ءَ پائدگ چست بہ کن اَنت۔ مزن وزیر ءَ کسان ءُ درنیامی کاروبار آنی واستہ وام ءِ کلیں کساس ءِ ھم جار جتگ۔ آئی ءَ پنت ءُ شون کت کہ ایشی ءَ را 2028ءَ تاں 1.1کرب کلدار ءَ چہ 2.2کرب کلدار ءَ سر کنگ بہ بیت۔دیوان ءَ مزن وزیر ءَ را اے شوبگ ءَ جاری اصلاحات ءُ کسان ءُ میاں اوستمانی کاروبار ءِ دیمروئی ءِ ھوالگ ءَ سرپد کنگ بوت۔ چست کنگ بوھوکیں گامگیج آنی ھوالگ ءَ بریفنگ دیگ بوت۔ بریفنگ ءَ سرپد کنگ بوت کہ ایس ایم ڈی ڈی اے ءَ را یک مرکزی پلیٹ فارم ءِ تہ ءَ بدل کنگ بوھگ ءَ اِنت کہ ایشی ءَ چہ ھما مردم آناں تربیت دیگ بیت کہ آ کسان ءُ میاں اوستمانی کاروبار جوڑ کنگ لوٹ اَنت ءُ آھاں وتی کاروبار ءِ واستہ مالی کمک رسگ ءِ واستہ بینک آنی گوما رابطہ ءِ تہ ءَ آسراتی رس ایت۔ بریفنگ ءَ چہ سرپدی دیگ بیت کہ سرجمیں ملک ءَ ایس ایم ڈی ڈی اے ءِ کارگس جوڑ کنگ بوھگ ءَ انت تانکہ ایس ایم ای ءِ شوبگ ءَ گوں سیادی داروکیں مردم آناں موثر آؤٹ ریچ کنگ بہ بیت۔ شہری آنی آسراتی ءِ واستہ مصنوعی ذہانت ءِ سر ءَ بنیات ءِ سر ءَ کمکی لائن جوڑ کنگ بوھگ ءَ اِنت کہ ایشی ءِ وسیلگ ءَ مردماں دمگی زبان آنی تہ ءَ زانتکاری ءُ رھشونی دیگ بیت۔ بریفنگ ءِ تہ ءَ ھال دیگ بیت کہ گلوبل ای کامرس کمپنی علی بابا ءُ ایس ایم ڈی ڈی اے ءِ نیام ءَ یک تپاک نامہ ءِ سر ءَ دستخط کنگ بوتگ ایشی ءِ چیر دستی ءَ دو سال ءِ وھد ءِ تہ ءَ دہ ھزار کسان ءُ میاں اوستمانی ادارگ آناں تربیت دیگ بیت۔ ڈیٹا پورٹل ءَ را کاروباری مردم آنی واستہ گیش کارآمد ءُ آسان جوڑ کنگ ءِ واستہ ایس ایم ای اصلاحات ءِ کار جاری انت۔ گند ءُ نند ءَ وفاقی وفاقی وزیر  رانا تنویر حسین، جام کمال خان، ڈاکٹر مصدق مسعود ملک، احد خان چیمہ، عطاء اللہ تارڑ اور چوہدری سالک حسین، وزیر مملکت برائے خزانہ بلال اظہر کیانی، وزیراعظم کے مشیر ہارون اختر، چیئرمین پرائم منسٹر یوتھ پروگرام رانا مشہود احمد خاں ءَ ابید سیادی داروکیں کارندہ آں بھر زوری کتگ۔