مزن وزیر محمد شہباز شریف ءَ دانش آئی ٹی پارک اسلام آباد ءِ ھوالگ ءَ چار ءُ تپاسی دیوان ءِ سروکی

اسلام آباد۔12اکتوبر  (اے پی پی): مزن وزیر محمد شہباز شریف ءَ دانش آئی ٹی پارک اسلام آباد ءَ را ٹیکنالوجی ءِ گلوبل ہب جوڑ کنگ ءِ پنت ءُ شون کتگ ءُ گوشت کہ آئی ٹی، مصنوعی ذہانت ءُ فن ٹیک ءِ پڑ ءَ پاکستانی ورنا آناں نوکیں مہارت پجارینگ ءُ آئی ٹی کاروباری مردم آنی واستہ نوکیں موہ پیداک کنگ ءِ سفر ءَ را برجاہ دار ایت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءِ سروکی ءَ دانش آئی ٹی پارک اسلام آباد ءِ ھوالگ ءَ جائزہ دیوان برجم دارگ بوتگ۔ دیوان ءَ گوں گشتانک دیان ءَ مزن وزیر ءَ گوشت کہ دانش آئی ٹی پارک ءَ را اکیڈمیا ءُ انڈسٹری ءِ نیام ءَ جوانیں کمک ءِ گوما یک نوکیں آئی ٹی ایکو سسٹم ءِ مرکز جوڑ کنگ بہ بیت۔ مزن وزیر ءَ پنت ءُ شون کت کہ گلوبل ٹیکنالوجی کمپنیانی شریکداری ءَ دانش آئی ٹی پارک ءَ آپریشن بندات کنگ بہ بنت ءُ وزارت انفارمیشن ٹیکنالوجی ءَ دانش آئی ٹی پارک اسلام آباد منصوبہ ءِ سرجمیں فزیبلٹی اسٹڈی کنگ بہ بیت ءُ آئی ٹی پارک منصوبہ ءِ سیمی فریق آڈٹ ہم کنگ بہ بیت۔ گند ءُ نند ءَ آئی ٹی برآمدات ءَ را گیش کنگ ءُ اے شوبگ ءَ سرمایہ کاری ءَ را دیمروئی دیگ ءِ واستہ یک ٹوھیں ایکو سسٹم ءِ جوڑیشت ءِ ھوالگ ءَ سرپدی دیگ بوت۔ بریفنگ ءَ گوشگ بوت کہ پاکستان سافٹ ویئر ایکسپورٹ بورڈ ءِ چیر دستی ءَ ملک ءَ 50 پرائیویٹ بلڈنگ سافٹ ویئر ٹیکنالوجی پارک ءِ رنگ ءَ اپ گریڈ کنگ بوتگ انت ءُ ملک ءَ اسٹارٹ اپس ءِ کمک ءِ واستہ 8 انکیوبیشن سنٹر جوڑ کنگ بوتگ انت وھدیکہ آئی ٹی پروفیشنل آناں آسراتی پجاری ءِ واستہ 105 ورکنگ اسپیس کار کنگ ءَ انت۔ بریفنگ ءَ گیش گوشگ بوت کہ دانش آئی ٹی پارک اسلام آباد ءَ گوں گلوبل ٹیکنالوجی کمپنی آنی نیمگ ءَ آپریشن ءِ واستہ رابطہ کنگ بوھگ ءَ انت۔ گند ءُ نند ءَ وفاقی وزیر مصدق مسعود ملک، احد خان چیمہ، عطا اللہ تارڑ، شزہ فاطمہ خواجہ، وزیر مملکت بلال اظہر کیانی  ءُ سرکاری مزنیں کارندہ آں بہر زرتگ۔