نائب مزن وزیر ءُ دری کارانی وزیر ءَ سیرت اینڈومنٹ فنڈ ءِ جوڑ کنگ ءِ جار جتگ، سیرت النبی ءِ تعلیمات جہانی امن، انصاف ءُ راجانی نیام ءَ پُل جوڑ کنگ ءِ رہشونی ءَ دنت، اسحاق ڈار

اسلام آباد۔ اکتوبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ سیرت اینڈومنٹ فنڈ ءِ جوڑ کنگ ءِ جار جنان ءَ گوشت کہ سیرت نبی سلام الله علیہ وسلم ءَ انصاف ءِ سبق داتگ، یکے دومی ءِ احترام ءُ گپ ءُ تران ءِ سبق داتگ۔ پہ جھان ءِ امن، انصاف ءُ راجانی نیام ءَ پُل جوڑ کنگ ءَ مذھبی ءُ سیاسی اختلافات گپ ءُ تران ءِ وسیلگ ءَ گیش ءُ گیوار کنگ بوت کن اَنت، پاکستان ءَ میان اُستمانی تک ءَ امن ءِ برجائی ءُ جھان ءِ تک ءَ جیڑھانی گیش ءُ گیوار ءِ تہ ءَ وتی سرجمیں کرد پیلو کتگ، مرچی پاکستان ءَ را امن ءِ برجائی ءِ تہ ءَ کرد پیلو کنوکیں ملک ءِ بستار ءَ منگ بوھگ ءَ اِنت۔ آئی ءَ اے ھیالانی درشانی دو شمبے ءِ روچ ءَ نیشنل رحمت العامین ءُ خاطم النبیین اتھارٹی ءِ چیردستی ءَ سیمی میاں اوستمانی سیرت فیسٹیول ءِ بنگیجی دیوان ءَ گوں تران کنان ءَ کت۔ نائب مزن وزیر ءَ راجی رحمت العلمین ءُ ختم النبیین اتھارٹی ءِ چیئرمین خورشید احمد ندیم، باسک، حکام ءُ جارچین ءَ را وتی ءُ مزن وزیر محمد شہباز شریف ءِ نیمگ ءَ چہ مبارکی دات۔ آئی ءَ گوشت کہ رسول اللہ صلی اللہ علیہ وسلم ءِ یات دل آنی واستہ تسلہ اِنت ءُ آئی ءِ تعلیم آنی پد ءُ رند کنگ دنیا ءُ آخیر ءَ کامیابی ءِ ضمانت اِنت۔ نائب مزن وزیر اسحاق ڈار ءَ گوشت کہ سیرت النبی ءِ تعلیمات آناں را راج دوست کنگ ءُ چاگرد ءِ تہ ءَ شنگ ءُ تالان کنگ ءِ واستہ اے میلہ ءِ تہ ءَ بازیں سرگرمی است انت ایشی ءِ تہ ءَ اکیڈمک سیشن ءُ میاں اوستمانی کانفرنس، کتاب میلے، ورنا آنی دیوان، نعت مہیل مشاعریہ، آئی ءَ گوشت کہ سیرت النبی سلام اللہ علیہ وسلم مئے دگنیا ءُ آخرت ءَ را گہتر کنگ ءِ یکیں راہ انت ءُ یک راجی ءِ بستار ءَ مئے ذمہ واری انت کہ ما آئی ءِ تعلیمات ءِ کلوہ ءَ سرجمیں دگنیا ءَ سر بہ کنیں۔ نائب مزن وزیر ءَ میاں اوستمانی دیوان ءِ بنگپ ’’راج آنی نیام ءَ پُل جوڑ کنگ: سیرت النبی علیہ السلام ءِ رژنائی ءَ‘‘ ءِ رنگ ءَ بامرد ءُ وھد ءِ ھاسیں لوٹ لیکگ ءِ وھد ءَ اتھارٹی ءِ چیئرمین ءُ آئی ءِ ٹیم ءَ را وھد ءِ سر ءَ گچین کاری ءِ سر ءَ مبارکی دات۔ آئی ءَ گوشت کہ اے وھد ءَ دگنیا جتاجتائیں اڑ ءُ جنجال آنی آماچ اِنت ءُ کش ءُ گوری دمگ آنی تہ ءَ کش ءُ گور گیش بوھگ ءَ اَنت۔ میان اُستمانی، سوڈان، سومالیہ، یمن، لیبیا، روس ءُ یوکرین ءِ جنگ ءُ امریکہ ءُ ایران ءِ کش ءُ گور ھمے جاور ءِ درشان اِنت۔ آئی ءَ گوشت کہ میاں اوستمانی تک ءَ ناامنی ھاسیں رنگ ءَ غزہ ءُ مشرقی بیت المقدس ءِ جاور ھال انتہائی پریشان کنوک انت وھدیکہ جنوبی ایشیا ءَ جموں ءُ کشمیر ءِ جیڈھ دہائیاں چہ گیش ءُ گیوار نہ بوتگ ءُ روس ءُ یوکرین ءِ نیام ءَ جنگ ھم برجاہ انت۔ اسحاق ڈار ءَ گوشت کہ اے وئیل آنی رد ءَ اے گپ پدر بیت کہ اقوام متحدہ ءِ وڑیں ادارگ ءِ ھست بوھگ ءَ ابید ھم میاں اوستمانی براتی جیڈھ آنی گیواری ءِ واستہ تیار نہ اِنت ءُ آ جنگ آنی تہ ءَ چہ رکّگ ءَ نہ بوتگ۔ دومی جہانی جنگ ءَ پد جہانی امن ءُ دیمروئی ءِ ھاتر ءَ اقوام متحدہ، جہانی بینک ءُ جہانی مالیاتی فنڈ ءَ ہوار میان استمانی ادارہ جوڑ کنگ بوتگ انت بلے مرچی ہم جہان امن ءِ شوہاز ءَ انت۔ نائب مزن وزیر ءَ گوشت کہ زوراک جہانی نظام ءِ تہ ءَ ھستیں خلاء ءَ چہ پائدگ چست کن اَنت ءُ غزہ ءَ چہ مقبوضہ کشمیر ءَ تاں انسانی جان ءُ شرپ ءِ احترام ءَ را یلہ کنگ بوھگ ءَ اِنت، اے جاور ھال جہانی نظام ءِ تہ ءَ انصاف ءِ کمی ءُ اصول آنی یک رنگیں کارمردی ءَ را پدر کنت۔ آئی ءَ گوشت کہ وھدے اخلاقی قدر ھلاس بنت گڑا آبادی جنگل جوڑ بنت ءُ انسان ءُ جانور ءِ نیام ءَ فرق مٹ بیت۔ مئے گمان اِنت کہ حضرت محمد صلی اللہ علیہ وسلم ءِ تعلیمات ہما اخلاقی قدراں دات کنت کہ عزت، احترام ءُ انصاف ءِ اصولانی سرا راجانی تعلقاتاں جوڑ کنت ءُ دنیا ءَ چہ ظلم ءُ ناانصافی ءِ ہلاس کنگ ءَ کمک کت کنت۔ سیرت النبی سلام اللہ علیہ وسلم راجانی نیام ءَ پُل جوڑ کنگ ءِ ھاترا رہشونی دنت۔ اسحاق ڈار ءَ گوشت کہ راجدپتر گواہ اِنت کہ رسول اللہ اللہ علیہ وسلم ءَ جنگ ءَ ھم اخلاقی قدراں گوں بندوک کتگ، مذھبی ھمگرنچی ءِ درس داتگ ءُ دری پالیشی ءِ انچیں اصول داتگ کہ آ جھان ءِ امن ءِ ضمانت بوت کن اَنت۔ الوداعی حج ءِ وعظ یک منشورے کہ ایشی ءِ تہا انسانانی تہا نسل ءِ بنیاد ءَ تبعیض پہ ابد ھلاس کنگ بوتگ۔ آئی ءَ گوشت کہ مرچی مسلمانیں پٹ ءُ پولکار آنی ضلورت اِنت کہ آ سیرت النبی علیہ وسلم ءِ رژنائی ءَ انسانیت ءِ رھشونی ءَ بہ کن اَنت ءُ دگنیا ءَ را بہ گْوش اَنت کہ چوں یک انچیں جھان ءِ نظام ءِ جوڑ کنگ بیت کہ آ مھکمیں اخلاقی بنیات آنی سر ءَ جوڑ کنگ بہ بیت ءُ ایشی ءِ تہ ءَ زور ءِ بدل ءَ انصاف ءِ بادشاھی بہ بیت۔ اے ھاتر ءَ سیرت النبی صلی اللہ علیہ وسلم ءِ سر ءَ کارمرزیں پٹ ءُ پول ءِ سک باز زلورت اِنت۔ نائب مزن وزیر ءَ گوشت کہ اے گپ ءِ سرپد بوھگ ءَ من ءَ وشی بیت کہ راجی رحمت العلمین ءُ ختم النبیئن اتھارٹی ءَ وتی پٹ ءُ پولی منصوبگ آنی تہ ءَ اے ضلورت ءِ سر ءَ ھیال داری کتگ ءُ میلہ ءِ موہ ءَ برجم دارگ بوھوکیں کانفرنس ءِ سرھال ءِ گچین کاری ھم ایشی ءِ پدریں گواہ اِنت۔ آئی ءَ اے امیت سہرا کت کہ کانفرنس ءَ پیش کتگیں پٹ ءُ پولی کاگد آنی شنگ کنگ ءَ چہ سفارتکاری ءِ واستہ نوکیں اخلاقی بنیات آنی پجارینگ ءَ کمک رسیت۔ آئی ءَ گوشت کہ گوستگیں وھد ءَ پاکستان ءَ اقوام متحدہ ءِ باسکیں ملک آنی نیام ءَ پُل جوڑ کنگ ءَ راجدپتری کرد پیلو کتگ۔ سال ءَ پد پاکستان ءَ جنگولیں ملک اسلام آباد ءَ دیم پہ دیم گپ ءُ تران ءِ ھاترا یک میزے ءِ سرا آورت انت۔ آئی ءَ گوشت کہ پاکستان ءَ را لھتیں سال پیسر ناشرکاری ءِ رد ءَ زانگ بوتگ نوں ھدا ءِ شکر انت کہ امن ءِ برجائی ءَ کرد پیلو کنوکیں ملک ءِ رنگ ءَ منگ بوھگ ءَ انت۔ اسحاق ڈار ءَ گوشت کہ پاکستان ءَ میاں اوستمانی تک ءَ امن ءِ برجائی ءِ واستہ دل ءِ جہلانکی ءَ گوں کوشست کتگ ءُ یک مسلمان ءِ بستار ءَ انسانی جان ءُ مال ءِ تاوان ءِ گر ءُ دار ءِ واستہ سرجمی ءَ کرد پیلو کتگ، ایشی ءَ را سرجمیں دگنیا ءَ ساڑاھگ بوھگ ءَ انت۔ آئی ءَ گوشت کہ لھتیں روچ پیسر منی ءُ مزن وزیر محمد شہباز شریف ءِ دعوت ءِ پد ءَ اقوام متحدہ ءِ سیکرٹری جنرل انتونیو گوترز پاکستان ءَ اتکگ ات، ھما جاہ ءَ کہ آ آئی ءَ پاکستان ءِ امن ءِ کوشست آناں ساڑات ءُ من اِت۔ آئی ءَ گوشت کہ اے اللہ تعالیٰ ءِ ھاسیں فضل ءُ کرم اِنت کہ نوں پاکستان امن ءِ برجائی ءَ کرد پیلو کنوکیں ملک ءِ رنگ ءَ منگ بیت۔ نائب مزن وزیر ءَ گوشت کہ گوستگیں روچاں ناروے ءَ برجم داشتگیں فورم ءِ تہ ءَ روکپتی ملک آنی گشتانک دیوک آنی تہ ءَ ھاسیں رنگ ءَ گوشت کہ پاکستان اے پڑ ءَ نیٹ سیکورٹی پروائیڈر بوھگی اِنت۔ آئی ءَ گوشت کہ اے ھم پاکستان ءِ فرض اِنت پرچا کہ دمگ ءَ برجاھیں کش ءُ چیل ءَ چہ آماچیں ملک آنی مزنیں کساس اسلامی ملک اَنت۔ امریکہ ءُ ایران ءِ جیڑہ ءَ ابید میان اُستمانی تک ءَ وت مہ وتی کش ءُ چیل ءُ اُرشاں چہ مسلمان امت ءِ جتا جتائیں باسک ھم آماچ بوھگ ءَ اَنت۔ اسحاق ڈار ءَ رسول اللہ صلی اللہ علیہ وسلم ءِ حدیث ءِ حوالہ داتگ کہ امت چو بدن ءَ انت ءُ اگاں بدن ءِ کجام بہر ءَ درد بوت گڑا سرجمیں بدن درد ءَ ماریت۔ آئی ءَ گوشت کہ پاکستان جنوبی ایشیا ءَ ھم ایمنی ءِ واھشت داریت۔ آئی ءَ گوشت کہ رسول اللہ صلی اللہ علیہ وسلم ءِ زند مارا اے سکین ءَ دنت کہ امن ءِ واستہ انصاف، وت مہ وتی احترام ءُ گپ ءُ تران المی انت۔ جنگ ءُ مقابلہ ءِ سرا گپ ءُ تران ءَ را ترجیح دیگ بہ بیت، البت سیرت النبی علیہ وسلم ءِ پیغام ہم ایش انت کہ جارحیت ءِ دیم ءَ کپگ ءِ وھد ءَ دفاع ءِ ھاترا تیار بہ بئے۔ نائب مزن وزیر ءَ گوشت کہ اگاں پاکستان امن ءِ واستہ میاں اوستمانی براتی ءَ را یک ٹیبل ءِ سر ءَ یکجاہ کت کنت گڈا آئی ءِ تہ ءَ وتی دفاع ءَ زوراک ءِ تکبر ءَ را کچلگ ءِ توان ھم است انت۔ آئی ءَ حق ءِ جنگ ءَ را ایشی ءِ مثال لیک اتگ ءُ گشتگ کہ 2025 ءَ اللہ تعالیٰ ءَ وتی فضل ءُ کرم ءَ پاکستان ءَ سوبمندی داتگ کہ دنیا ءَ من اِتگ۔ آئی ءَ گوشت کہ سیرت النبی علیہ السلام ءَ چہ رہشونی زورگ ءَ پاکستان ءَ ایوک ءَ فوجی نشانگ جوڑ کتگ ءُ دژمن ءِ وڑ ءَ شہری ءُ آوانی انفراسٹرکچر ءَ را نشانگ جوڑ نہ کتگ۔ آئی ءَ گوشت کہ سول ءُ ملٹری سروکی ءَ شور ءُ سلاھ ءَ پیسلہ کتگ ءُ پاکستان ءِ ھوائی پڑ ءِ رکھینگ ءُ ھوائی آپریشن ءِ وھد ءَ ٹارگٹ آنی گچین کاری ءِ ھوالگ ءَ ھاسیں ھدایت کتگ۔ آئی ءَ گوشت کہ پاکستانی سروکی ءَ ھدایت کتگ داں دژمن ءِ بالی گراب پاکستان ءِ ھوائی دمگ ءَ چہ گوزگ ءَ داں اُرش مہ کن اِت۔ آئی ءَ گوشت کہ اے بندش آنی باوجود پاکستانی فضائیہ ءِ کارندہ آں سوبمندی رستگ، اگاں اے بندش مہ بوتیں گڈا دژمن ءِ گیشاں چہ گیش جنگی بالی گراب آدینگ بوت کن اَنت۔ آئی ءَ اے پیسلہ ءَ را پیغمبر محمد صلى الله عليه وسلم ءِ سنت ءِ رد ءَ لیک اِتگ۔ نائب مزن وزیر ءَ گوشت کہ ایشی ءَ پد وھدے دژمن ءَ زمینی ٹارگٹ آنی سر ءَ اُرش کت ءُ آیوکیں 72کلاک آنی تہ ءَ پاکستانی فضائی حدود ءَ 80 ءِ کساس ءَ ڈرون ءِ گردش برجاہ بوت، 9 مئی ءِ شپ ءَ سول ءُ فوجی سروکی ءَ پیسلہ کت کہ فضائی آپریشن ءَ پد گروڈ لیول ءَ یک ھاسیں رد ءُ بند ءِ دیم ءَ آرگ لوٹ ایت۔ راج ءُ دگنیا ءَ کہ پاکستان نزور لیکگ نہ بیت۔ آئی ءَ گوشت کہ بنداتی وھد ءَ پاکستان ءَ صبر ءُ اوپار ءِ درشان کتگ، وھدیکہ دژمن ءَ وتی کارانی جواز ءِ واستہ پاکستان ءِ سر ءَ الزام جتگ۔ اسحاق ڈار ءَ گوشت کہ پاکستان ءَ دری کارانی وزارت سرگرم داشتگ ءُ دگنیا ءِ جتا جتائیں دارالحکومت آنی گوما مُدام رابطہ ءِ تہ ءَ بوتگ تانکہ آھاں راستی آناں سرپد کنگ بہ بیت۔ پاکستان ءَ اے گپ پدر کتگ ات کہ آئی ءِ کارروائی چیر نہ بنت بلکیں ہر اُرش ءُ بدلی ءِ تفصیل سرکاری رنگ ءَ شنگ کنگ بنت۔ نائب مزن وزیر ءَ گوشت کہ پاکستان ءَ وت رکّینگ ءِ واستہ ھچ وڑیں اُرش نہ کتگ کہ ایشی ءِ تہ ءَ شہری نشانگ جوڑ کنگ بوتگ اَنت، بلکیں کارروائی فوجی تنصیبات ءِ ھلاپ ءَ کنگ بوتگ اَنت۔ آئی ءَ گوشت کہ پاکستان ءَ اقوام متحدہ ءِ منشور ءِ آرٹیکل 51 ءِ رد ءَ وتی وت رکینگ ءِ ھک ءَ کارمرد کتگ ءُ اے گپ ءَ پدر کتگ کہ ایشی ءِ ھلاپ ءَ اگاں چوشیں کارروائی کنگ بہ بیت گڈا سرجمیں زور ءَ گوں پسو دیگ بیت۔ اسحاق ڈار ءَ گوشت کہ راج آنی نیام ءَ پُل جوڑ کنگ ءِ گوما پاکستان ءِ واستہ المی انت کہ آ وتی اندری کارانی گہتر کنگ ءِ واستہ رسول اللہ صلى الله عليه وسلم ءِ سیرہ ءِ نیمگ ءَ بیا ایت۔ آئی ءَ گوشت کہ پاکستانی چاگرد انتہا پسندی ءِ چیلنج ءَ گوں دیم پہ دیم انت، مارا اے حقیقت ءِ دیم ءَ وتی چماں بند کنگی نہ انت۔ آئی ءَ گوشت کہ انتہا پسندی مذھب ءِ نام ءَ ھم دیم ءَ کیت ءُ سیاست ءِ تہ ءَ ھم اصل جیڈھ اختلاف نہ انت بلکیں اختلاف ءِ آداب، مذھبی ءُ سیاسی اختلاف ءِ گیواری گپ ءُ تران ءُ مذاکرات ءِ وسیلگ ءَ بوت کنت۔ نائب مزن وزیر ءَ گوشت کہ پاکستان 2012 ءَ یک ووٹ ءِ برتری ءَ گوں اقوام متحدہ ءِ سلامتی کونسل ءِ باسک گچین کنگ بوتگ وھدیکہ 2024 ءَ آیوکیں دو سالی مدت ءِ واستہ گچین کاری ءَ پاکستان ءَ 182 ووٹ رستگ وھدیکہ آئی ءَ را ایشی ءِ ھلاپ ءَ پنچ ووٹ رستگ۔ آئی ءَ گوشت کہ پاکستان یکم جنوری 2025 ءَ بگر داں 31دسمبر 2026 ءَ سلامتی کونسل ءِ باسک اِنت، آئی ءَ گوشت کہ سلامتی کونسل ءِ سروکی ءِ وھد ءَ پاکستان ءَ ’’کثیر نیمگی کمک ءُ جیڈھ آناں ایمنی ءِ گوما گیواری‘‘ سرھال جوڑ کتگ۔ آئی ءَ گوشت کہ اسلام، رسول اللہ صلى الله عليه وسلم ءِ تعلیمات ءُ قرآن پاک امن ءِ پیغام ءَ دینت۔ اسحاق ڈار ءَ گوشت کہ اللہ تعالیٰ ءَ آئی ءَ را پاکستان ءِ نمائندگی ءَ اقوام متحدہ ءِ سلامتی کونسل ءِ دیوان ءِ سروکی ءِ موہ داتگ، 12سال ءَ پد اے بابت ءَ پیش کتگیں قرارداد تپاکی ءَ گوں منظور کنگ بوتگ ءُ سلامتی کونسل ءِ درستیں 15باسک آں ایشی ءِ حمایت کتگ۔ نائب مزن وزیر محمد اسحاق ڈار ءَ مزن وزیر محمد شہباز شریف ءِ نیمگ ءَ سیرت اینڈومنٹ فنڈ ءِ جوڑیشت ءِ جار جنان ءَ گوشت کہ اے فنڈ ءِ واستہ بنداتی 100 ملین کلدار ءِ زرّ ءِ وسیلگ ءَ کمک کنگ بیت وھدیکہ حکومت ءِ نیمگ ءَ چہ اے فنڈ ءِ ھاتر ءَ ھرچ وڑیں وسیلگ ءِ دیم ءَ آرگ بیت  ، سیرات انسائیکلوپیڈیا ءِ وڑیں منصوبہ آں چہ دیم ءَ اتکگ۔ مذہب ءُ سیاست ءِ نام ءَ انتہا پسندی ءِ موہ دیگ مہ بیت۔ رائے ءِ اختلاف آداب ءِ گوما کنگ بہ بیت ءُ جتا جتائیں رائے ءَ گوں پچیں ذہن ءَ گوشدارگ بہ بیت، پرچا کہ اے ممکن انت کہ دومی نیمگ چہ مئے ھیال ءَ شرتریں رائے پیش بہ کنت۔ مذہبی ءُ سیاسی اختلاف گوں گپ ءُ تران ءَ گیش ءُ گیوار بوت کن انت۔ بزاں جیڑہ ءُ جنجالانی گیش ءُ گیوار ءُ اختلافات ءِ باوجود یکے دومی ءِ احترام برجاہ دارگ بیت۔ پہ ایشی ءَ سیرت النبی علیہ السلام ءِ نیمگ ءَ رھادگ بوھگ المی اِنت۔ اسحاق ڈار ءَ گوشت کہ نوکیں نسل ءِ تہ ءَ سیرت النبی علیہ السلام ءَ چہ دراتکگیں مزنیں اخلاقی قدر آنی دیمروئی ءِ ضلورت اِنت ءُ ھمے قدر آنی بنیات ءَ وانگ ءُ زانگ ءِ بندوبست کنگ ءِ ضلورت اِنت۔ اے درگت ءَ نیشنل رحمت العالمین ءُ خاطم النبیین اتھارٹی ءِ ھاسیں کرد بوت کنت ءُ کنگی اِنت۔ آئی ءَ گوشت کہ منا اے گپ ءِ سر ءَ وشی بوتگ کہ اتھارٹی ءَ اے شوبگ ءَ ارزشتی ایں کار کتگ۔ چیئرمین خورشید احمد ندیم ءِ نیمگ ءَ پیش کتگیں پٹ ءُ پولی کوشست ءُ شنگ بوتگیں کتاب آنی ساڑاتگ ءَ آئی ءَ گوشت کہ اتھارٹی ءَ وتی جوڑیشت ءِ نزیک ءَ سئے تاں سئے ءُ نیم سال ءِ کسانیں وھد ءِ تہ ءَ ھاسیں آسراتی رستگ۔ آئی ءَ چیئرمین ءُ آئی ءِ ھمراھ آناں شگر ءُ داد دات۔ نائب مزن وزیر ءَ گوشت کہ سیرات ءَ چہ دراتکگیں ارزشت آنی سر ءَ عملی وانگ ءُ زانگ ءِ ماڈل جوڑ کنگ ءِ ضلورت اِنت۔ اتھارٹی ءِ سروکی ءُ آئی ءِ ٹیم ءِ کوشست پاکستانی چاگرد ءِ اصلاحات ءِ ھاتر ءَ یکے دومی ءِ احترام ءُ مہر ءِ بنیاد ءَ یک متبادلیں بیانیہ ءِ دیمروئی ءَ کت کنت۔ آئی ءَ گوشت کہ پارلیمنٹ ءَ اے مول ءُ مراد ءِ واستہ اتھارٹی ءِ جوڑیشت ءِ کانود جوڑ کتگ ءُ ادارگ اے ھاسیں ذمہ واری ءِ شانک ءِ واستہ جوانیں رنگ ءَ لائک انت۔ آئی ءَ گوشت کہ قرآن پاک زند ءِ یک جامع ضابطہ اِنت کہ قیامت ءَ تاں رہشونی ءِ وسیلگ اِنت۔ ایشی ءِ سرا پٹ ءُ پول ءِ وسیلہ ءَ اطلاقی پٹ ءُ پول ءِ پڑ ءَ نوکیں جہت دیم ءَ اتک کن انت۔ پاکستانی چاگرد ءِ اصلاح ءِ واستہ یکے دومی ءِ احترام ءُ مہر ءِ بنیاد ءَ کوشست وھد ءِ لوٹ انت وھدے کہ راج ءَ را چوشیں بیانیہ ءِ سک باز ضلورت انت۔ آئی ءَ گوشت کہ اے ادارگ ءَ پارلیمنٹ ءِ کمک است انت، پاکستان ءِ مزن وزیر ایشی ءِ سرپرست انت۔ اسحاق ڈار ءَ سیرت انسائیکلوپیڈیا ءِ وڑیں منصوبگ ءِ بنگیج ءِ پد ءَ اتھارٹی ءَ را مبارک بات دات ءُ گوشت کہ پاکستان ءِ وش بھتی انت کہ اے وشی گوں اردو زبان ءَ سیادی دار ایت۔ آئی ءَ دل یکیمی دات کہ اے منصوبگ ءِ سرجمی ءِ واستہ حکومت ھرچ وڑیں وسیلگ ءِ پجارینگ ءَ انت ءُ وسیلگ ءِ کمی ءَ را سیرت ءِ پیغام ءِ شنگ ءُ تالان کنگ ءِ تہ ءَ رکاوٹ جوڑ بوھگ ءِ موہ نہ دیگ بیت۔ آئی ءَ خیرخواہاں چہ دزبندی کت کہ آ ھم سیرت وقف فنڈ ءَ کمک کنگ ءَ اے نیکیں کار ءَ بھر بہ زور اَنت، دانکہ سیرت ءِ تعلیمات چاگرد ءَ گیش ءُ گیوار بہ بنت ءُ تعصب، نفرت، ظلم، ناانصافی ءُ انتہا پسندی ءِ ھلاس کنگ بہ بیت۔ آئی ءَ دعا کت کہ حضرت اللہ صلى الله عليه وسلم ءِ سیرت ءِ وشبو سرجمیں دنیا ءَ شنگ ءُ تالان بہ بیت۔