ایسوسی ایٹڈ پریس آف پاکستان ءُ علامہ اقبال اوپن یونیورسٹی ءُ جتاجتائیں پڑاں کمک ءِ سرا تپاک

اسلام آباد۔12اکتوبر  (اے پی پی): راجی ھال رسانکی ادارگ ایسوسی ایٹڈ پریس آف پاکستان ءُ علامہ اقبال اوپن یونیورسٹی ءِ نیام ءَ جتا جتائیں پڑاں کمک ءِ سر ءَ تپاک کنگ بوتگ۔ دو شمبے ءِ روچ ءَ ایسوسی ایٹڈ پریس آف پاکستان ءِ منیجنگ ڈائریکٹر سبین عثمان خٹک ءَ علامہ اقبال اوپن یونیورسٹی ءِ تر ءُ تاب کتگ ءُ وائس چانسلر ڈاکٹر ناصر محمود ءَ گوں گند ءُ نند کتگ۔ دیوان ءَ اے پی پی ءِ مارکیٹنگ ءُ آئی ٹی ءِ شعبہ آں گوں ہمگرنچیں مردم ہم ھوار اتنت۔ گند ءُ نند ءَ اے پی پی ءُ علامہ اقبال اوپن یونیورسٹی ءِ نیام ءَ جتا جتائیں پڑاں کمک ءِ بابت ءَ گپ ءُ تران کنگ بوت۔ اے موہ ءِ سر ءَ ڈاکٹر نصیر محمود ءَ یونیورسٹی ءِ جتاجتائیں شعبہ ءُ آہانی کارگس ءِ بابت ءَ بریفنگ دات۔ ایم ڈی اے پی پی سبین عثمان خٹک ءَ گوشت کہ ایسوسی ایٹڈ پریس آف پاکستان راجی بیانیہ ءَ را دیم ءَ برگ ءَ اِنت ءُ ویڈیو نیوز سروس، ڈیجیٹل ءَ ھوار جتا جتائیں راجی، دمگی ءُ میاں اوستمانی زبان آنی تہ ءَ ھال آنی شنگ کنگ ءَ اِنت۔ گند ءُ نند ءَ اے گپ ءِ سر ءَ تپاک کنگ بوت کہ اے پی پی ءُ علامہ اقبال اوپن یونیورسٹی ءِ نیام ءَ جتا جتائیں پڑاں کمک ءِ واستہ زوت تپاک نامہ ءِ سر ءَ دستخط کنگ بیت۔