اسلام آباد۔ 29 جنوری (اے پی پی)بنجاھی وزیر دیمپانی پیداوار بانُک زبیدہ جلال ءَ گوشت کہ گوادر ءَ کپر ءِ دمگ ءَ شپ بریکنگ یارڈ جوڑ کنگ بیت ایشی ءِ جوڑیشت ءَ چہ گوادر ءَ ھوار سرجمیں ملک ءَ دیمرئی ءِ نوکیں دور ءِ بنگیج بیت اے منصوبگ ءِ بنگیج ءَ چہ 5ہزار ورنا آناں روزگار ءِ موہ رسیت۔ ایشی ءِ تہ ءَ کپر ءِ ھندی مردم آناں ترجی دیگ بیت ایشی ءَ چہ پد گواد مکران ڈویژن ءُُ پد ءَ بلوچستان ءِ ورنا آناں روزگار ءِ موہ دیگ بیت۔ آ وتی گوادر ءُُ تربت ءِ تر ءُُ تاب ءِ موہ ءَ گوادر ءَ بریس کانفرنس ءَ گوں گشتانک دیان ءَ کت۔ اے موہ ءَ سر ءَ پیسریگیں ادارکی صوبائی وزیر میری نوید کلمتی ءُُ پیسریگیں ضلع ڈسٹرکٹ چیئرمین بابو گلاب ءُپ ایڈیشنل ڈپٹی کمشنر جنرل انیس طارق ءَ ھوار ایندگر کارندہ آئی ءِ ھمبراہ اتنت۔ بانُک زبیدہ جلال ءَ گوشت کہ مرچی گوادر دکہ ءِ جوڑیشت بوھگ ءَ پد کار کنگ ءَ انت ءُُ دکہ ءِ سرءَ سرجمیں دگنیا ءِ دلگوشی اِنت، ایشی ءَ ابید میرانی ڈیم کوسٹل ہائی وے ءُُ زبیدہ جلال روڈ تربت ھم منی پیسریگیں حکومت ءِ منصوبگ اَنت، اے درستیں منصوبگ آں چہ مرچی الس سیت زورگ ءَ انت، اے سرجمیں ملک ءُُ پڑ ءِ وشھالی ءِ سبب اَنت۔ بنجاھی وزیر ءَ گوشت کہ استیں بنجاھی ءُُ صوبائی حکومت السی جیڈھ ءُُ دمگ آنی دیمروئی ءِ واستہ ھک ءُُ دلیں کوشست ءَ کنگ ءَ اَنت۔ گوادر ءِ دیمروئی ءَ ھندی مردم آناں اولی ترجی دیگ بیت۔
