اسلام آباد ۔ 29 جنوری (اے پی پی) مزن وزیر عمران خان ءَ گوشت کہ حکومت معشیت ءِ گہتری ءُُ بے دروریں بنی آدمی آسراتی آں چہ سیت زورگ ءِ واستہ ٹیکنالوجی ءِ نیمگ ءَ دلگوشی دیگ ءَ انت۔ آئی ءَ اے گپ سئے شمبے ءِ روچ ءَ ٹیکنالوجی ءِ زانشتی معشیت ءِ بابت ءَ ٹاسک فورس ءِ سروکی ءَ کنان ءَ کت۔ دیوان ءَ وزیر ءِ ھزانگ اسد عمر، وزیر ءِ منصوبگ بندی مخدوم خسرو بختیار، وزیر انفارمیشن ٹیکنالوجی ڈاکٹر خالد مقبول صدیقی، مشیر تجارت عبدالرزاق داؤد، پروفیسر ڈاکٹر عطاء الرحمن، ڈاکٹر طارق بنوری، یوسف حسین، چیئرمین ’’اگنائیٹ‘‘، کاروباری برات آنی نماھندگ، صنعتکار ءُُ سیادی داروکیں وزارت آنی بنجاھی سیکرٹری آں بھر زوری کت۔ وزیر ءِ ٹیکنالوجی ءِ زانشتی معیشت ءِ دیمروئی ءُُ ٹوھیں زانش ءِ واستہ گیش بجٹ گیشینگ ، تکنیکی ازمکاری آنی گیشی، بنی آدمی آسراتی ءِ دیمروئی، ڈیجیٹلائزشین ءُُ لس زانشت ءِ دیمروئی ءِ رپک ءُُ گامگیج آنی بابت ءَ بریفنگ دیگ بوت۔ اے موہ ءِ سرءَ ڈاکٹر عطاء الرحمن ءَ ٹیکنالوجی ءِ بستار ءَ داریں معیشت ءِ نیمگ ءَ دیمروئی گامگیج آنی ھوالگ ءَ سرجمیں بریفنگ دات۔
