اسلام آباد۔ 29 جنوری (اے پی پی) بنجائی وزیر ڈٹ بندی، شونداری و اصلاحات و شماریات ڈویژن مخدوم خسرو بختیار پارینے کہ ساڑی حکومت قومی شونداری نا حکمت عملی نا وڑاٹ ملک انا چندی علاقہ غاتا بریبری نا بنداو آ شونداری کن اولیت تننگ ءِ، حکومت ملکی معیشت نا شونداری کن ہر وڑنا گام گیج کننگ ءِ۔ حکومت نا اولیت آتے ٹی راجی و معاشی و پدسلوک آ علاقہ غاتا شونداری، نیزگاری نا چٹفنگ و خلقت نا شرحالی ءِ۔ داخیال آتا درشانی ءِ او سے شنبے نادے آ یو این ڈی پی و پلاننگ کمیشن نا کنڈآن ، پوسکن آ حکومت کن شونداری نا اولیت آتیا سیمینار آن تران کرسا کرے۔ بنجائی وزیر پارے کہ نیامی کہول انا شاری تا شونداری و علاقائی کہول آ بریبری نا کمک اٹ علاقائی پرخ ءِ چٹفک۔ بنجائی وزیر راجی و اقتصادی شونداری کن یو این ڈی پی نا مخ تفی و پائیدار شونداری ہدف آتا جہانی ایجنڈا ءِ عملی ءُ دروشم اس تننگ کن گام گیج آتا ستاءِ کرینے۔ حکومت ملکی معیشت نا شونداری کن ہروڑاٹ گام گیج کننگ ءِ۔ اوپارے کہ حکومت نا اولیت آتے ٹی راجی و معاشی و پدسلوک آ علاقہ غاتا شونداری، نیزگاری نا چٹفنگ و خلقت نا شرحالی ءِ۔ بنجائی وزیر پارے کہ حکومت صنعت و واپار نا مون آ دننگ کن آسراتی تا پڑو ءِ کرینے۔ اوپارے کہ ایس ایم ای سیکٹر نا مون آ دننگ آ خصوصی چکار کننگ انگ ءِ۔ ساڑی حکومت سی پیک فریم ورک انا رداٹ صنعتی کمک ءِ اہمیت تسنے۔
