اسلام آباد۔ 29 جنوری (اے پی پی) صدر مملکت ڈاکٹر عارف علوی پارینے کہ قائد اعظم ورناتے کن لیڈرشپ انا گچین ءُ مثال اسے، سرکڑدہ غاک ملک انا وسیلہ غاتے سہی کاریم اٹ اتسا ملک ءِ پین شون ہلوک جوڑ کننگ کیرہ۔ اوداہیت ءِ سے شنبے نادے آ سندھ مدرستہ السلام یونیورسٹی کراچی نا نیشنل لیڈرشپ پروگرام نا بشخ ہلوک آتیان تران کرساپارے۔ صدر مملکت پارے کہ سندھ مدرستہ السلام اسہ پنی ءُ تاریخی ءُ ادارہ اسے ہرادے قائد اعظم نا مادر علمی مننگ نا شرف دوئی ءِ، قائداعظم ءِ داادارہ تون خاص نسبت ئس۔صدر مملکت پارے کہ قائداعظم ورناتے کن لیڈرشپ انا گچین ءُ مثال اسے ، اونا راہشون اصول آتے تینا کرسا آخبت ءِ جوڑ کروک آک ملک ءِ پین شونداری نا مزل آتیان ہمکنار کننگ کیرہ۔ صدر داہیت آ زور شاغا کہ لیڈر کن المی ءِ کہ او خلقت تون اوار چلینگے ۔ سرکڑدہ غاک ملک انا وسیلہ غاتے سہی کاریم اٹ اتسا ملک ءِ پین شون ہلوک جوڑ کننگ کیرہ۔
