اسلام آباد۔ 29 جنوری (اے پی پی) وزیراعظم نا خصوصی کمکا رسمندر پار پاکستانیز سید ذوالفقار عباس بخاری پارینے کہ وزیراعظم اودے اوورسیز پاکستانی تے آسراتی تننگ نا ٹاسک ءِ تسنے، پیشن نا ملک آتے ٹی رہینگوک آ پاکستانی تا چناتے آب اٹ تعلیم تننگ ننا اولیت آتے ٹی اوار ءِ۔ داخیال آتا درشانی ءِ او سے شنبے نادے آ شیخ راشد المکتوم پاکستان اسکول دبئی نا دورہ نا وخت آ کرے۔ دورہ ٹی خصوصی کمکا رطالب علم آتون اوڑدہی کرے و اسکول اٹی ساڑی آسراتی ، کلاس آتا جاچ ءِ ہلک و داوخت آ اسکول پرنسپل اودے اسکول نا مالی حالیت آتا بابت احوال تس۔ خصوصی کمکار اودے معاملہ غاتے تعلقدار کمامدارآتون چست کننگ نا باوری ترفے۔ داوخت آ طالب علم آک خصوصی کمکار آن لیبارٹری و نصاب اپ ڈیٹ نا خواست ءِ کریر۔ داوخت آ خصوصی کمکار ذوالفقار عباس بخاری پارے کہ وزیراعظم اودے اوورسیز پاکستانی تے آسراتی تننگ نا ٹاسک ءِ تسنے ، او دا ٹاسک ءِ ہرحال اٹ پورو کیک۔ اوپارے کہ پیشن نا ملک آتے ٹی رہینگوک آ پاکستانی تا چناتے آب اٹ تعلیم تننگ ننا اولیت آتے ٹی اوار ءِ۔
