اسلام آباد۔ 29 جنوری (اے پی پی) پاکستان ریلوے ٹی ’’کلین ، گرین و خوش اخلاق ریلوے‘‘ مہم کن تیاری تے گڈیکو دروشم اس تننگا۔ دا مہم یکم فروری آن 28 فروری اسکان برجاسلک۔ بنجائی وزیر ریلوے شیخ رشید احمد نا پاننگ ءِ کہ دا کمپین اٹی نن ریل، پلیٹ فارم و اسٹیشن آتیا صفائی مہم اسے نا بناءِ کینہ، دانا چاروکی ءِ او تینٹ کیک و الس تون ریل و پلیٹ فارم آتیا ملک۔ یات سلے کہ الس نا آسراتی کن پاکستان ریلوے ٹی غاو سیل اس جوڑ کننگانے وخت اس کہ ریلوے انفراسٹرکچر نا اپ گریڈیشن کن ہم گام گیج کننگ انگ ءِ۔ مسافر ریل آتیان بیدس فریٹ ٹرین تا کچ اٹی ہم ودکی کننگ انگ ءِ۔ وخت اس کہ ریلوے اسٹیشن تا زیب وزینت ءِ ہم کننگ انگ ءِ دا غٹ گام گیج آتا مسخت مسافر آتے آسراتی تروئی ءِ۔ ہندا چرجوئی ٹی الس نا آسراتی کن اسلام آباد اٹی اسہ کمپلینٹ سیل اس جوڑ کننگ انگ ءِ ہرا 24گھنٹہ ملوک مریک۔ ہندا وڑ کمانڈ اینڈ کنٹرول سسٹم لاہور ہیڈ کوارٹر اٹی خلنگک۔ کمپلینٹ سیل ریلوے نا ویب سائٹ و موبائل ایپ آ ہم موثر مریک ہراسٹ ءِ ہراڑے کہ غاو اس مریک او اوڑآ تینا غاو تے نوشتہ کرفنگ کیک۔
