اسلام آباد۔ 28 جنوری (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوں دگنیا ءِ نامداریں چینی ساز ءُُ زیملی کمپنی ٹینسینٹ ءِ ڈل ءَ گند ءُُ نند کت۔ نامداریں چینی ساز ءُُ زیملی کمپنی ءَ پاکستان ءَ تامر ءُُ ساز ءُُ زیملی شوبگ آنی تہءَ سرمایہ کاری ءِ واستہ واھشت دارشان کت۔ بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ پاکستان ءِ ساز ءُُ زیمل سک باز پزورک اِنت، لوٹاں کہ مئے ازمکار وتی ٹیلنٹ ءِ درشان ءَ دود ءُُ ربیدگی ساز ءُُ زیمل ءِ وسیلگ ءَ دیمروئی بدینت۔ آئی ءَ گوشت کہ پاکستانی ساز ءُ زیملی برصغیر ءَ ھوار ایندگر دمگ آنی تہ ءَ سک باز نامدار انت، اے سر ڈگار ءَ نصرت فتح علی خان ءِ وڑیں بے درور پیداک کتگ۔ آئی ءَ گوشت کہ تامر کجام ھم ملک ءِ دود ءُ ربیدگ ءُُ شرپ ءُُ ازت ءَ را دیمروئی دیگ ءِ وسیلگ انت، یک وھد ءِ بوتگ کہ پاکستان دگنیا ءِ سیمی مستریں تامر جوڑ کنوکیں ملک ءِ بوتگ، تامر جوڑ کنگ ءِ تہ ءَ کمک اتکگ۔ آئی ءَ گوشت کہ اے وھد ءَ 127سینما سکرینز انت، ایشاناں گیش کنگ ءُُ 1000ءَ تاں سر کنگ ءِ ارادگ ءَ دار آں۔ وزیر ءِ اھوالکاری ءَ میوزک ءِ دیمروئی ءُُ دو نیمگی یکوئی آنی دیمروئی ءِ واستہ سیادی داروکیں چینی کمپنی ءُُ وزارت ءِ اھوالکاری ءِ جھلی ادارگ ءِ نیام ءَ منوگری کنگ ءِ شور ءُُ سلاھ دات۔
