لاہور۔ 29 جنوری (اے پی پی) محکمہ موسمیات پیشنگوئی کرینے کہ ہندا ہفتہ ٹی ملک انا گیشتر علاقہ غاتے ٹی پِرو مش تیا برف انا گمان ءِ وخت اس کہ اینو چارشنبے نادے آ بلوچستان نا علاقہ کوئٹہ، ژوب ، قلات ، مکران ، نصیر آباد ، سبی ڈویژن، سندھ انا علاقہ سکھر، لاڑکانہ، شہید بے نظیر آباد، حیدر آباد، کراچی ڈویژن اٹی جاگہ جاگہ غا پِر و مش تیا برف انا گمان ءِ وخت اس کہ چارشنبے و پنچ شنبے ٹی خیبر پختونخوا نا بنوں ، ڈی آئی خان ڈویژن و سویلی پنجاب نا ضلع ملتان، ساہیوال ، بہاولپور ، ڈی جی خان ڈویژن اٹی جاگہ جاگہ غا پِر انا گمان ءِ۔ محکمہ موسمیات نا رداٹ چارشنبے آن پنچ شنبے نا نن اٹی بڑزکو خیبر پختونخوا نا مالاکنڈ، ہزارہ، پشاور، مردان، کوہاٹ ڈویژن، بڑزکو پنجاب نا راولپنڈی، گوجرانوالہ، لاہور، سرگودھا، فیصل آباد ڈویژن، بنجائی دارالحکومت اسلام آباد، گلگت بلتستان و کشمیر اٹی گیشتر ہند آتیا پِر انا گمان ءِ۔
