اسلام آباد ۔ 28 جنوری (اے پی پی)سپیکر قومی اسمبلی اسد قیصر ءَ گوشت کہ بے کسیں ، چوراھیں ءُُ مازوریں مردم آناں آوانی راستیں شرپ ءُُ ازت ءُُ آوانی زندمان ءَ را آسراتی پجارینگ منی زندمان ءِ مول ءُُ مراد اِنت، ایشی ءِ دزگیری ءِ واستہ سرجمیں ملک ءَ سپیشل ویلیج جوڑ کنگ بیت ، آھودا اے مردم آنی نندگ، وانگ ءُُ زانگ ، جان سلامتی ءُُ گر ءُُ دار ءِ انتظامی کنگ بیت۔ اے ھیالانی درشانی آنی ءَ دو شمبے ءِ روچ ءَ کرّیں مردم آنی واستہ پاکستان ءَ گوستگیں 32 سال ءَ چہ ازمت کنوکیں گل ڈییف ریچ ایجوکیشن سروس ءِ جوڑیشت کار رچرڈ گیری ءَ گوں گند ءُُ نند ءَ تران ءِ ساھت ءَ کت۔ اے گہبودی گل صوبہ سندھ ءَ نیم درجن ءَ چہ گیش اسکول آنی تہ ءَ کرّیں زھگ آناں وانگ ءُُ زانگ ءِ آسراتی ءَ پجارینگ ءَ انت۔ سپیکر ءَ گوشت کہ منی واھشت اِنت کہ ھمک صوبائی دارلحکومت ءَ ماڈل ویلج جوڑ کنگ بہ بیت ءُُ حکومت ھمے کوچگ ءِ واستہ زمین ، توان، گیس ءُُ بنیاتی آسراتی بہ پجارین ایت۔ آئی ءَ گوشت کہ کمکی اداگ، است مندیں مردم ءُُ بیت المال ءِ کمک ءَ چہ ھمے کوچگ آنی ضلورت ءَ را پیلو کنگ ءِ سر ءَ زور دات۔ رچڑڈ گیری ءَ سپیکر ءِ جوزگ آناں ساڑات ءُُ گوشت کہ آ اے رد ءَ ھمک رنگ ءِ کمک کنگ ءِ واستہ تیار اِنت۔ سپیکر ءَ گوشت کہ آئی ءِ واھشت اِنت کہ ھاسیں مردم ھم وانگ ءُُ زانگ ھیل کنگ ءَ پد ملک ءِ زمہ داریں شہری جوڑ بنت ءُُ ملک ءِ جوڑیشت ءُُ دیمروئی ءَ وتی کرد ءَ پیلو کن انت ءُُ آواناں ھم زندمانی گوازینگ ءِ موہ رسیت۔ سپیکر ءَ گوشت کہ آ چورا ءُُ بزگیں مردم آنی کمک ءِ واستہ آیوکیں لستیں روچ ءَ کمکی ادارگ ءُُ ھاسیں مردم آنی واستہ کار کنوکیں مردم آنی کنسورشیم ءِ جار ءَ جنت ءُُ اے مردم آنی واستہ ازمت کنوک آنی واستہ روڈ میپ جوڑ کنگ بیت ءُُ آیوکیں وھد ءِ واستہ شور ءُُ سلاھ منوگر کنگ بیت۔
