اسلام آباد ۔ 28 جنوری (اے پی پی) دری کارانی بنجاہی وزیر شاہ محمود قریشی ءِ گوما پاکستان ءِ تہ داشتگیں برطانوی ہائی کمشنرتھامس ڈریو ءَ دو شمبے ءَ ادا دری کارگِس ءِ تہ گند ءُُ نند کتگ۔گند ءُُ نند ءِ تہ دودیمی سیادی ،بیوپاری ءُُ اقتصادی تکاں کمک ءِ ھوار دگہ ھاسیں دمگی ءُُ میاں اوستمانی کارانی سرا ھیال ریچی کنگ بوتگ۔فریقاں اُلسی تبک ءِ سرا رھوت ءَ را سوگو کنگ سرا زور داتگ۔دوئیں فریقاں پاک۔برطانیہ سیادی ءِ تہ گیش گہتری ءِ ھاترا کمک برجاہ دارگ ءِ سرا تپاکی کتگ۔دری کارانی وزیر ءَ گوشت کہ پاک ۔برطانیہ سیادی باز ارزشت دار انت،پاکستانیانی مزنیں کساس برطانیہ ءَ نشتگ انت۔
