اسلام آباد ۔ 28 جنوری (اے پی پی) بنجاہی وزیر برائے منصوبگ بندی،دیمروئی ءُُ گہترکاری مخدوم خسرو بختیار ءَ گوشت کہ بنجاہی حکومت خیبرپختونخوا ءِ کم دیمروئی کتگیں دمگانی دیمروئی ءِ ھاترا دراھیں گام چست کنگ بنت،حکومت بروبری ءِ تبک ءَ دمگی دیمروئی ءِ منصوبگ دیما آرگ بنت۔آہاں اے گپ ءُُ تران دوشمبے ءَ ادا ھزانگ وزیر خیبرپختونخوا تیمور جھگڑا ءِ گوما گند ءُُ نندءِ ساعت ءَ کتگ ات۔گند ءُُ نند ءِ تہ خیبرپختونخوا ءِ دیمروئی منصوبگانی ءُُ باندات ءِ حکمت عملی سرا گپ ءُُ تران کتگ۔آہاں گوشت کہ سال 2019-20ءِ بجٹ بنجاہی ءُُ صوبائی حکومتانی یکجاھیں حکمت عملی ءِ مظہر بیت۔بنجاہی وزیر ءَ گوشت کہ اے پلان ءِ ردا خیبرپختونخوا ءِ جنوبی ضلعہاں ،جنوبی پنجاب ،دیہی سندھ ءُُ بلوچستان ءَ را دیمروئی کتگیں دمگانی بروبر کنگ ءِ ھاترا دراھیں وسیلگ ءَ را کارمرز کنگ بیت،بنجاہی حکومت خیبرپختونخوا ءِ کم دیمروئی یافتہ دمگانی دیمروئی ءِ ھاترا ہر وڈیں گام چست کنگ انت ۔آہاں گوشت کہ سوگو ءِ پلاننگ ءِ ردا خیبرپختونخوا ءِ تہ نیمی تبک ءِ شہرانی دیمروئی ءِ ھاترا آبنوشی ،سیوریج ،ہاوسنگ ءُُ دگہ سیکٹرزءِ تہ منصوبگ بنا کنگ بنت، خیبرپختونخوا ءِ تہ شاھدگانی اپ گریڈیشن ءِ ابید لہتیں دمگاں را موٹرویزءِ گوما ہمگرنچ کنگ بیت۔ صوبائی وزیر تیمور جھگڑا ءَ صوبگ ءِ تعمیرءُُ دیمروئی ءِ تہ بنجاہی حکومت ءِ کرد ءِ ستا کتگ،آہاں گوشت کہ بنجاہ ءِ گوما ھواری ءَ صوبگ ءِ دیمروئی ءَ را سدکی کنگ بیت۔
