اسلام آباد۔ 28 جنوری (اے پی پی)بنجاھی وزیر برائے زانشت ءُُ کزبی ھیل کاری شفقت محمود ءَ گوشت کہ ووکیشنل ٹریننگ ءُُ سکل ڈویلپمنٹ استیں حکومت ءِ اولی کار آنی تہءَ یک کار اِت، ما وتی ملک ءِ ورنا آناں ازمکاری ءُُ بلدکاری ءِ پجار ءُُ ایشانی دیمروئی ءِ واستہ جوانیں جاور آنی واستہ ھاسیں گامگیج چست کنگ ءَ آں۔ آئی ءَ اے گپ دو شمبے ءَ نیشنل ووکیشنل اینڈ ٹیکنیکل ٹریننگ کمیشن ( نیوٹیک) ءِ چیر دستی ءَ ’’ماسٹر ٹرینرز ٹریننگ پروگرام’’ ءِ بنگیجی مراگش ءَ گوں تران کنان ءَ کت۔ آئی ءَ اے گپ ءِ سر ءَ زور پر دات کہ ملک ءِ دیمروئی ءِ واستہ بلدکاری ءَ را دیمروئی دیگ المی اِنت۔ آئی ءَ نیو ٹیک ءِ چیئرمین ءُُ ایگزیکٹو ڈائریکٹر ءَ را ٹوھیں ھیل کاری ماسٹر ٹرینرز آنی تیاری ءِ واستہ اے ھاسیں پروگرام ءِ بنگیج کنگ ءِ پد ءَ مبارکی دات۔ آئی ءَ گوشت کہ بدبھتی ءَ گوستگیں وھد ءَ مئے روایتی زانشت ءِ نظام ءَ را نوکری ءِ گرگ ءِ واستہ جوانیں رپک ءَ گوں بندوک کنگ نہ بوتگ، اگاں من راجے ءِ بستار ءَ دیم ءَ جنزگ بہ لوٹاں گڈا المی اِنت کہ نا ایوک ءَ پبلک پرائیویٹ پارٹنر شپ ءَ را دیمروئی دیگ بہ بیت بلکینگ ءَ انڈسٹری ءُُ صوبائی حکومت یکجائی ءَ ووکیشنل زانشت ءُُ ھیل کاری ءِ دیمروئی ءِ واستہ کار بکن اَنت۔ بنجاھی وزیر ءَ گوشت کہ استیں حکومت ملک ءَ زانشت ءِ پڑ ءَ را دیم ءَ جنزینگ ءِ واستہ ھاسیں دلگوشی دیگ ءَ انت ایشی اے وھد ءَ ٹوٹل آباتی ءِ ایوک ءَ 58درسد اِنت۔
