لاہور۔28 جنوری(اے پی پی ) بنجاھی وزیر ھزانگ ، ریونیو اینڈ اکنامک افئیرز اسد عمر ءَ گوشت کہ کاٹیج انڈسٹریل اسٹیٹ ءِ آئیڈیا سک باز جوان اَنت، من ایشی ءِ شور ءُُ سلاھ ءَ دیاں ، کسانیں یونٹس آں چہ روزگار پیداک کنگ ءَ کمک کناں، کاٹیج انڈسٹریل اسٹیٹ ءِ منصوبگ ءَ صوبائی حکومت آناں ھم ھوار کنگ بیت، سپیشل اکنامک زونز(ایس ای زی) سک باز ضلوری اَنت ایشی پسر ءَ چہ است اَنت ایشاناں برجا کنگ لوٹ ایت، سپیشل اکنامک زونز حجکومت ایجنڈا آنی تہءَ ھوار اَنت، ایس ای زی ءَ را ترجی دیگ بیت، ٹیکس آڈٹ ءِ نظام گہتر کنگ المی اِنت، آسانیں ٹیکس ریٹرن ءُُ سادگیں ٹیکس ءِ نظام ءَ را پجار کنائینگ ترجی اِنت۔ اے ھیالانی درشانی آئی ءَ فیڈریشن آف پاکستان چیمبرز آف کامرس اینڈ انڈسٹری(ایف پی سی سی آئی) ءِ ریجنل آفس ءَ ایف پی سی سی آئی ءِ صدر انجینئردارو خان اچکزئی ءُُ ریجنل چیئرمین عبدالرؤف مختار ءِ سروکی ءَ پنجاپ ءِ کاروباری برات آں گوں تران کنان ءَ کت۔ مراگش ءَ وزیر ءِ مملکت برائے ریونیو حماد اظہر ءُُ ایف بی آر ءِ چیئرمین محمد جہانزیب خان ءَ ھم بھر زوری کت۔ بنجاھی وزیر ءَ گوشت کہ فنانس بل ءَ زالبول آنی واستہ آسراتی مان اِنت، اے بل کاروباری زالبول آں ھوار 51درسد آباتی ءِ آسراتی دیگ ءِ واستہ دیگ بوتگ۔ آئی ءَ گوشت کہ اے رنگیں گامگیج کنگ بوھگ ءَ اِنت کہ ایشی ءَ چہ زالبول آناں کاروبار چلائینگ ءُُ روزگار ءِ واستہ گہتریں آسراتی رس ایت۔ توان ءِ نظام شر کنگ ءِ واستہ کوھنیں نظام ءَ را ڈی ریگولیٹ کنان ءَ نوکیں کانود شنگ ءُُ تالان کنگ لوٹ ایت۔
