اسلام آباد۔ 28 جنوری (اے پی پی) وزیراعظم عمران خان پارینے کہ سوات ، مالاکنڈ و ایلو علاقہ غاتے ٹی معدنی دولت ءِ کاریم اٹ اتنگ کن پوسکن آ ٹیکنالوجی نا دوئی کننگ کن کوشست کننگ انگ ءِ دا ہیت ءِ المی جوڑ کننگک کہ سرکاری محکمہ غاتے ٹی کلاس چہارم اسکان نا خورک آسامی تے پُر کننگ کن ہندی خلقت ءِ اولیت تننگے۔ اوداہیت ءِ مالاکنڈ ڈویژن آن تعلق تخوک آ قومی اسمبلی نا باسک آتون گپ و تران کرسا پارے ہراک دوشنبے نادے آ اوڑتون اوڑدہی کریر۔ اوڑدہی ٹی وزیر مواصلات مراد سعید ، ایم این ایز ڈاکٹر حیدر علی خان، سلیم رحمان ، صاحبزادہ صبغت اللہ ، محبوب شاہ ، محمد بشیر خان، جنید اکبر و شیر اکبر خان ئسک اوار ئسر۔ خصوصی کمکار نعیم الحق ، افتخار درانی، وزیراعظم نا ترجمان ندیم افضل چن ، ملک عامر ڈوگر و ارشدداد ئسک ہم اوڑدہی ٹی ساڑی ئسر۔ قومی اسمبلی نا باسک آک وزیراعظم ءِ تینا تینا حلقہ گچین کاری ٹی تعلیم، جان جوڑی ، بجلی گیس و ایلو ویل آتیان معلومدار کریر۔
