اسلام آباد۔ 28 جنوری (اے پی پی) بنجائی وزیر ریلوے شیخ رشید احمد پارینے کہ یکم فروری آن 28 فروری اسکان نن پاکستان ریلوے ٹی کلین، گرین و خوش اخلاق ریلوے کمپین اسے نا بناءِ کننگ اُن۔ دوشنبے نادے آ تینا بیان اٹی اوپارے کہ مہم اٹی ٹرین، پلیٹ فارم و اسٹیشن آتیا صفائی مہم نا بناءِ کینہ وخت اس کہ درخت ہم خلنگک ، ریلوے نا عملہ مثالی خوش اخلاقی اٹ پیش بریرہ ، ریل مسافر آتے گچین ءُ سروس اس ایتنہ۔ اوپارے کہ مہم نا چاروکی ءِ ای تینٹ کیوہ، مچ آ تُو الس ءِ ٹرین وپلیٹ فارم آتیا ملیوہ۔ اوپارے کہ الس نا آسراتی کن نن وزارت ریلوے ٹی غاوی سیل اس جوڑ کرینن، داڑان نن وزیراعظم پاکستان نا ویژن نا رداٹ تینا سروس ءِ گچین کینہ، وڈی خوری ءِ چٹفنہ۔ بنجائی وزیر ریلوے پارے کہ ببو و کلین ، گرین و خوش اخلاق ریلوے نا بشخ جوڑ مبو و بیدس ٹکٹ سفر کروک آتا حوصلہ شکنی ءِ کبو۔
