پوسکن آ پاکستان اتھارٹی بل انا مسودہ ءِ وزارت کانود و انصاف آ گدریفنگانے، حکومت بے اُرا بندغ آتے زوت آن زوت اڑزان اُراتا فراوانی کن ترندی اٹ گام گیج کننگ ءِ
اسلام آباد۔ 28 جنوری (اے پی پی) وزیر مملکت ہاؤسنگ اینڈ ورکس محمد شبیر علی قریشی پارینے کہ پوسکن آ پاکستان اتھارٹی بل انا مسودہ وزارت کانود و انصاف آ گدریفنگانے، حکومت بے اُرا بندغ آتے زوت آن زوت اڑزان اُرا تا فراوانی کن ترندی اٹ گام گیج کننگ ءِ۔ داہیت ءِ او ’’اے پی پی‘‘ تون گپ و تران کرسا پارے۔ اوپارے کہ پوسکن آ پاکستان ہاؤسنگ اسکیم آ زوت عملدرآمد کن ٹاسک اس جوڑ کننگانے ہرا دابابت تینا کاریم ءِ کننگ ءِ، گریڈ اسٹ آن شانزدہ اسکان نا سرکاری ملازم آتے اُراتا آسراتی تننگ کن حکومت غٹ وسیلہ غاتے کاریم اٹ اتنگ ءِ۔ وزیر مملکت پارے کہ حکومت وزیراعظم عمران خان نا سرکڑدہ ہی ٹی الس نا شرحالی کن گام گیج کننگ ءِ۔ اوپارے کہ سویلی پنجاب اٹی شونداری و شونہالی کن تحریک انصاف نا بنجائی وصوبائی حکومت آک اولیتی بنداو تیا کاریم کننگ ءُ۔
