دبئی۔ 28 جنوری (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ مزن وزیر عمران خان ءِ سروکی ءَ پاکستان جوانیں آیوکیں باندات ءِ نیمگ ءَ جنزگ ءَ انت، پاکستان ، رودراتکی نیامجی ءَ ایمنی ءِ دیمروئی ءَ ارزشتی ایں شریکدار انت، پاکستان وتی میاں اوستمانی پجار ءَ را دووارگ در جنگ ءَ انت، پی ایس ایل ۔4ءِ میچ آنی تہءَ نیشنل سٹیڈیم کراچی ءُُ قذافی سٹیڈیم لاہور ءَ برجم دارگ بنت، بنجاھی وزیر اھوالکاری ءُُ شنگ کاری گوستگیں شپ ءَ پی ایس ایل ۔4ءِ رد ءَ ایش گڈی لیب بیت ایش پاکستان ءَ چہ ڈن ءَ لیب برجم دارگ بوھگ ءَ انت، مئے دعا، واھشت ءُُ کوشست انت کہ دبئی ءَ اے گڈی پی ایس ایل بہ بیت۔ آئی ءَ اے امیت سہرا کت کہ پی ایس ایل ۔4 ءِ میچ نیشنل سٹیڈیم کراچی ءُُ قذافی سٹیڈیم لاہور ءِ برجمد ارگ بہ بنت۔ چوہدری فواد حسین ءَ گوشت کہ مزن وزیر عمران خان ءِ سروکی ءَ پاکستان جوانیں آیوکیں باندات ءِ نیمگ ءَ جنزگ ءَ انت آئی ءَ شش ماھ آنی تہ ءَ پاکستان ءِ درئی پالیشی ءِ لیکہ مٹ کتگ اَنت۔ آئی ءَ گوشت کہ گوستگیں لستیں سال آنی تہءَ نیامجی رودراتک ءَ مئے کرد ھلاس بوتگ بلے مرچی پاکستان وتی میاں اوستمانی پجار ءَ را دووارگ در جنگ ءَ انت۔ آئی ءَ گوشت کہ پاکستان، نیامجی رودراتک ءَ ایمنی ءِ دیمروئی ءَ ارزشتی ایں شریکدار اِنت۔
