اسلام آباد۔ 27 جنوری (اے پی پی) ورنا آنی کار ءِ واستہ مزن وزیر ءِ ھاسیں کمکار محمد عثمان ڈار ءَ گوں کسانیں ءُُ نیامی درجگ ءِ کاروبار ءِ دیمروئی ءِ ادارگ (سمیڈا) ءِ ڈل ءَ سیکرٹری صنعت ءُُ پیداوار ءِ سروکی ءَ گند ءُُ نند ۔ گند ءُُ نند ءِ تہ ءَ مز ن وزیر ءِ سوبمندیں پروگرام آنی چیردستی ءَ وام آنی دزگیر کنوکیں ورنا آنی بابت ءَ سمیڈا ءِ نیمگ ءَ سرپدی دیگ ءِ ھوالگ ءَ کار آنی چار ءُُ تپاسی زورگ بوت۔ مزن وزیر ءِ ھاسیں کمکار محمد عثمان ڈار ءَ اے موہ ءِ سر ءَ گوشت کہ حکومت ءَ اے ارزشتی ایں گامگیج ءَ چہ نا ایوک ءَ ملک ءَ کساسنیں ءُُ نیامی درجگ ءِ کاروبار ءِ دیمروئی رسیت بلکینگ ءَ روزگار ءِ 10لکھ موہ ھم پیداک بیت۔ آئی ءَ گوشت کہ پاکستان ءِ وڑیں ملک ءَ اقتصادی چست ءُُ ایر آنی دیمروئی ءَ کسانیں ءُُ نیامی درجگ ءِ کاروبار ءَ را کلتی بستار گون اِنت چیا کہ اے شوبگ ءَ نا ایوک ءَ روزگارت ءِ موہ رسیت بلکینگ ءَ ھواریں ملکی پیداوار ءِ تہ ءَ گیشی ءِ درور بیت انت۔
