اسلام آباد۔ 27 جنوری (اے پی پی) ساؤتھ ایشیاء سٹرٹیجک سٹیبلٹی انسٹیٹیوٹ ءِ ڈائر یکٹر جنرل ڈاکٹر ماریہ سلطان ءَ اسلام آباد ءَ بنجاھی وززیر کشمیر ءِ کار ءُُ گلگت بلتستان علی امین خان گنڈا پور ءَ گوں گند ءُُ نند کت۔ گند ءُُ نند ءَ پڑ ءِ ھواریں سیکورٹی ءِ جاور ھال ھاسیں رنگ ءَ کشمر ءِ سر ءَ بھارتی ارد آنی نیمگ ءَ لگت مالی ءُُ بنی آدم آنی سر ءَ ظلم ءِ بابت ءَ گپ ءُُ تران کنگ بوت۔ اے موہ ءِ سر ءَ بنجاھی وزیتر ءَ کشمیر ءَ بھارت ءِ ناروائیں سلوک ءَ را ایراد گپت ءُُ گوشت کہ بھارت ناشرکاری ءِ وسیلگ ءَ کشمیری آنی وت واجئی ءِ جنز ءَ را ڈگار ءَ جت نہ کنت۔ میاں اوستمانی میڈیا ءُ ادارگ اے جیڈھ ءِ گیواری ءِ ھاترا جوانیں گامگیج بکن اَنت گڈا برورد جوانیں سہرا بی۔ ساؤتھ ایشیاء سٹرٹیجک سٹیبلٹی انسٹیٹیوٹ (ساسی) ءِ ڈائریکٹر جنرل ڈاکٹر ماریہ سلطان ءَ کشمیر ءِ جیڈھ ءَ را میاں اوستمانی تک ءَ سہرا کنگ ءِ رد ءَ وتی ادارگ ءِ کرد ءِ بابت ءَ بنجاھی وزیر ءَ را سرپد کت۔
