اسلام آباد۔ 27 جنوری (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ مرچی مزن وزیر عمران خان ءِ سروکی ءَ مٹ بوھوکیں پاکستان ءِ گندگ بوھگ ءَ انت، یک تچکیں کشک ءِ گندگ بوھگ ءَ انت، گوستگیں سال ءَ ما سیاسی منزل ءَ تاں سر بوتگ آںِ اے سال ءَ تاں معاشی منزل ءَ وتارا سر کناں، پاکستان یک وش رنگیں ملک اِت، پاکستان تحریک انصاف ءِ حکقمت تجارت، سیاحت ءُ لیب ءُُ گوازی ءِ چست ءُُ ایر آناں دیمروئی ءِ واستہ ملک ءِ ڈک ءَ سرجمیں دگنیا ءِ واستہ پچ کنگ ءِ کوشت ءَ کنگ ءَ آں، طالبان ءُُ امریکہ ءِ نیام ءَ کامیاتیں سول ءُُ تران ءَ چہ پاکستان ءَ را سک باز نپ رسیت، پاکستان رودراتکی نیامجی ءَ شریکدار ات۔ پاکستان 175 ملک آنی ویزا ءُُ 50ملک آنی شہری آناں ملک ءَ سر بوھگ ءَ پد ویزا ءِ آسراتی دیگ ءِ بنگیج ءَ کنگ ءَ آں،۔ چوہدری فواد حسین ءَ گوشت کہ مزن وزیر عمران خان ءَ اوگانستان ءَ ایمنی ءِ واھشت ءِ درشان کتگ ءُُ آُ پھم ایت کہ اوگانستان ءَ ایمنی ءِ برجائی ءَ چہ پڑ ءَ تجارتی یکوئی آنی تہ ءَ گیشی بوت کنت۔
