دبئی۔ 27 جنوری (اے پی پی) زرّ ءَ آدیم پاکستانی ءُُ دیمروئی بنی آدمی آسراتی آنی واستہ مزن وزیر ءِ ھاسیں کمکار سید ذولفقار بخاری ءَ دبئی پولیس ءِ سروک میجر جنرل عبداللہ خلیفہ المری ءِ گوما گند ءُُ نند کت ءُُ آئی ءَ گوں پاکستانی کیزیں مردم آنی جیڈھ آنی باروار گپ ءُُ تران کت۔ گند ءُُ نند ءَ پاکستانی کیزی آنی بابت ءَ یکجائیں کمیٹی ءِ برجائی ءِ سر ءَ تپاک کنگ بوت، یکجائیں کمیٹی پاکستانی کیزی آنی جیڈھ آنی سر ءَ ھاسیں دلگوشی دینت۔ دبئی پولیس ءِ سروک ءَ مزن وزیر ءِ ھاسیں کمکار ءَ را دبئی پولیس ءِ کار ءِ بابت ءَ بریفنگ دات۔ گند ءُُ نند ءَ پاکستانی کیزی آنی کساس ءُُ آوانی جیڈھ ءُُ پاکستانی کیزی آنی آسراتی ءِ پجاری ءِ بابت ءَ گپ ءُُ تران کت۔ گند ءُُ نند ءَ اے گپ ءِ سر ءَ تپاک کنگ بوت کہ ھما کیزی آنی سزا سرجم بوتگ اَنت آوانی یلو کنگ ءِ انتظامی کنگ بیت۔
