صدرمملکت ڈاکٹرعارف علوی ءِ کسٹم ءِ بابت ءَ میاں اوستمانی روچ ءِ درگت ءَ برجم داشتگیں دیوان ءَ گوں گشتانک کراچی۔ 26 جنوری(اے پی پی)صدرمملکت ڈاکٹرعارف علوی ءَ گوشے کہ ٹیکنالوجی ءِ دگنیا ءَ استیں ٹوھیں مٹ ءُُ بدلی ءَ را منشیات ءِ تجارت ءِ ھلاسی ءِ واستہ کامرد کنگ ءِ ضلورت انت۔ آئی ءَ اے گپ شمبے ءِ روچ ءَ کسٹم گس ءَ کسٹم ءِ بابت ءَ میاں اوستمانی روچ ءِ موہ ءَ برجم داشتگیں مراگش ءَ گوں گشتانک ءِ ساھتے ءَ کت۔ آئی ءَ گوشت کہ چیز آنی ڈولائی ءَ را گر ءُُ دار کنگ ءِ واستہ لستیں سال سک باز ارزشتی انت، حکومت ءَ ویزہ بندش آنی تہ ءَ نرمی کتگ ایشی ءَ چہ سیل ءُُ سواد ءَ آیوکیں مردم آنی کساس ءِ تہ ءَ سک باز گیشی بیت۔ اے رد ءَ آیوکیں لستیں سال مٹ ءُُ بدلی ءِ کئیت۔ صدر ءِ مملکت ءَ ملک ءَ ایمنی ءِ برجائی ءُُ ملکی سیم سر آنی رکھینگ ءِ رد ءَ سلاھ بندیں ارد ءُُ کانود ءَ را مھکم داروکیں ادارگ آنی کوشت ءَ را ساڑات۔ آئی ءَ گوشت کہ یورپ ءُُ امریکہ ءَ منشیات ءِ شپوکی جاڑی انت، آئی ءَ محکمہ ءِ کسٹم ءَ را دلگوش کنان ءَ گوشت کہ ٹیکنالوجی ءُُُ کار رپک ءِ تہ ءَ گہتری ءِ سبب ءَ جوانیں مٹی گندگ بیت، سافٹ ویئر ءِ نوکیں ٹیکنالوجی ءَ چہ سک باز گہتری بوھگ ءَ انت، محکمہ کسٹم اے رد ءَ نوکیں ٹیکنالوجی ءِ وسیلگ ءَ سیت زورگ ءَ دل یکیم بہ کنت۔ صدر ءَ گوشت کہ ٹیکنالوجی ءِ ھمروچگیں زندمان ءِ سرءَ جوانیں رند پد آنی سر ءَ اچ کس رد گوشت نہ کنت، سرجمیں دگنیا ءَ ٹوھ ٹوھیں سودا الیکٹرانک وسیلگ آنی سرءَ بوھگ ءَ انت، ضلورت ایشی ایگ انت کہ نوکیں ٹیکنالوجی ءِ وسیلگ ءَ کار رپک ءُُ رھبند ءِ تہ ءَ گہتری آرگ بہ بیت۔