اسلام آباد ۔ 25 جنوری (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ پاکستان ءِ سیل ءُُ سوادی مردم آنی واستہ جنت اِت، ملک ءِ 70سالی راجدپتر ءَ اولی رنگ ءَ 175 ملک آنی واستہ ای ویزہ پجار کنائینگ ءَ آں، سفارتی کارڈ ءِ وھد ءُُ پاس یک سال ءَ چہ گیش کنان ءَ سئے سال کنگ بوتگ،50ملک آنی واستہ ویزہ آن ارائیول ءِ آسراتی دیگ ءَ آں، نوکیں ویزہ پالیشی ءَ چہ پاکستان ءَ سک باز مزنیں مٹی یے کئیت، کوشست اِنت کہ سیل ءُُ سوادی مردم نوکیں پاکستان ءِ بنیات بہ بنت، مزن وزیر عمران خان ءِ ازت درستانی سر ءَ پرز انت، ایوان ءَ را مچھی مارکیٹ بوھگ ءَ نئیل آں، چوہدری نثار ءِ ویزہ پالیشی ءَ چہ پاکستان ءَ را تاوان رستگ، سندھ ءِ زرّ دار بُکگ ءَ اَنت، سندھ ءِ الس ءُُ پاکستان ءَ را اِچ بیم نہ انت، ھرکسی گداں ماڈل ٹاؤن وئیل ءِ ھون پر انت آ دُرست ساہیوال واکیہ ءِ سر ءَ سیاست کنگ ءَ آں، شہباز شریف ءِ دور ءَ دُرستاں چہ گیش آمید گس ءِ ھد ءُُ ابیل ءَ کوش بوتگ، شاہد خاقان عباسی گیس ءِ شوبگ ءَ 157ارب کلدار ءِ وام پر کتگ ءُُ شتگ، آدینگ ءِ روچ ءَ پارلیمنٹ گس ءِ ڈن ءَ میڈیا ءَ گوں تران کنان ءَ بنجاھی وزیر ءَ گوشت کہ پاکستان ءَ پنچ ماھ آنی تہ ءَ نوکیں ویزہ پالیشی پجار کنائینگ ءِ واستہ ملک ءِ 70سالی راجدپتر ءَ ارزشتی ایں گامگیج چست کتگ۔ شہباز شریف ءِ دور ءَ درستاں چہ گیشتریں آمید گس ءِ ھد ءُُ ابیل ءِ تہ ءَ مردم کوشگ بوتگ اَنت۔ بنجاھی وزیر ءَ گوشت ککہ مزن وزیر ءِ شرپ ءُُ ازت دُرستانی سر ءَ المی اِنت ، ما سروکیں پارٹی ءِ بستار ءَ ایوان ءَ را مچھی مارکیٹ بوھگ ءَ نئیلاں۔ یک جستے ءِ پسو ءَ بنجاھی وزیر ءَ گوشت کہ چوہدری نثار ءِ ویزہ پالیشی پاکستان ءِ ھلاپ ءَ بوتگ ایشی ءِ سبب ءَ پاکستان ءَ را سک باز تاوان رستگ، آئی این جی اوز پاکستان ءَ جوانیں کار کنگ ءَ انت ما پاکستان ءَ ایشی ءَ را وش اتک کناں۔ آئی این چی اوز ءِ کاررھبند آنی رد ءَ فارم دیگ بیت ءُُ پاکستان آیگ ءِ موہ دیگ بیت۔ یک دگہ جستے ءِ پسو ءَ بنجاھی وزیر ءَ گوشت کہ سندھ ءِ تر ءُُ تاب وزارت ءِ جتا جتائیں کار آنی ھوالگ ءَ بوتگ مزن وزیر سندھ ءَ روگ ءَ انت، پاکستان ءُُ سندھ ءِ الس آناں اچ بیم نیست اِنت، سندھ ءِ زادار بُکگ ءَ انت، مارچ ءَ تاں بازیں چیز ءِ ساپ بیت۔ اوگانستان ءَ پاکستان ءِ کرد سک باز ارزشتی اِنت اے بابت ءَ پاکستان وتی کرد ءَ پیلو کنگ ءَ انت ءُُ پاکستان امریکار یکوئی آنی تہ ءَ ٹوھیں مٹی کئیت۔ مزن وزیر عمران خان ءَ را میاں اوستمانی پڑ ءَ مزنیں کساس ءَ مشہوری رستگ ءُُ عمران خان ءِ شرپ ءُُ ازت ءِ تہ ءَ ھم سک باز گیشی بوتگ۔
