اسلام آباد۔ 25 جنوری (اے پی پی) مزن وزیرعمران خان ءِ ویژن ءِ رد ءَ ملک ءِ توک ءَ استیں ٹوھیں دود ءُُ ربیدگ، نیک راھی راجدپتری مڈی آناں سہرا کنگ ءِ واستہ آیوکیں یک سالے ءِ وھد ءَ جتا جتائیں مراگش، میلہ ءُُ ادبی محفلی مراگش ءِ منظوری دیگ بوت۔ اے منظوری پاکستان ءِ دود ءُُ ربیدگی ءُُ سیل ءُُ سوادی موہ آناں سہرا کنگ ءُُ اے رد ءَ آیوکیں یک سالے ءِ تہءَ سرجمیں ملک ءَ جتا جتائیں مراگش آنی برجائی ءِ بابت ءَ مزن وزیر عمران خان ءِ سروکی ءَ آدینگ ءِ روچ ءَ مزن تک ءِ دیوان ءَ دیگ بوت۔ دیوان ءَ وزیر اھوالکاری ءُُ شنگ کاری فواد حسین، سیکرٹری اھوالکاری شفقت جلیل، ایگزیکٹو ڈائریکٹر لوک ورثہ شاہدہ شاہد، پیسریگیں سیکرٹری کامران لاشاری ءُُ ایندگری اپسرگ آں بھر زوری کت۔ دیوان ءِ ساھت ءَ ملک ءِ اندر ءَ استیں ٹوھیں دود ءُُ ربیدگی، نیک راھی راجدپتری مڈی ءَ را سہرا کنگ ءِ واستہ آیوکیں یک سالے ءِ ساھت ءَ جتا جتائیں ایونٹس، مراگش، میلہ ءُُ ادبی محفلی دیوان ءِ منظوری دیگ بوت۔ اے مراگش آنی برجائی ءِ مول ءُُ مراد پاکستان ءِ سرڈگار ءِ سئے ہزار سالی دود ءُُ ربیدگی ءُُ راجدپتری مڈی ءُُ ملک ءِ جوانیں دود ءُُ ربیدگ ءَ را سہرا کنگ ءُُ یک دراج بُریں وھد ءُُ پاسے ءَ چہ مشکل آنی آماچیں پاکستانی الس ءَ را جوانیں سیل ءُُ سوادی موہ ءِ پجارینگ اِنت۔ مراگش آنی مول ءُُ مراد ورنائیں باھند آناں راجی مڈی ءَ گوں سرپد کنان ءَ پاکستانیت ءَ را سہرا کنگ اِنت۔
