اسلام آباد۔ 25 جنوری (اے پی پی) پاک بحریہ ءِ سروک ایڈمرل ظفر محمود عباسی ءَ اُردن ءِ سرکاری تر ءُُ تاب ءِ ساھت ءَ اردن ءِ رائل نیول فورس ءِ سروک بریگیڈیئر جنرل ابراہیم سلمان ال نعمت ءُُ رائل اردن ایئر فورس ءِ سروک میجر جنرل یوسف ال حنائتی ءَ گوں جتا جتائیں گند ءُُ نند کت۔ جارچین پاک بحریہ ءِ رد ءَ اقابہ ءَ اسیں اردن ءِ رائل نیول فورس ءِ ھیڈ کواررٹرز ءَ آیگ ءِ پد ءَ رائل اردن نیول فورس ءِ سروک بریگیڈیئر جنرل ابراہیم سلمان ال نعمت ءَ پاک بحریہ ءِ سروک ءَ را وش اتک کت۔ اے موہ ءِ سر ءَ نیول چیف ءَ را دود ءُُ ربیدگی رنگ ءَ سلامی پیش کنگ بوت۔ گند ءُُ نند ءِ ساھت ءَ ایڈمرل ظفر محمود عباسی ءَ وت مہ وتی واھگی کار ءُُ زرّئی شریکی آنی سرءَ ھیال ریچی کت۔ سروک پاک بحریہ ءَ ناشرکاری، زرّئی ڈُنگی ءِ آپریشنز ءُُ زرّئی ایمنی ءُُ برجائی ءِ واستہ ریجنل میری ٹائم سیکورٹی پٹرول ءِ گامگیج آنی تہءَ پاک بحریہ ءِ کرد ءِ سرءَ چمشانک دات۔ گند ءُُ نند ءِ ساھت ءَ نیول چیف ءَ پاکستان نیوری ءِ میزبانی ءَ فروری 2019ءَ برجم بوھوکیں ’’ایمن 2019‘‘ کثیر المکی زرّئی ایکسرسائز ءِ ارزشت آنی ھوالگ ءَ سرپد ھم کت۔ ایڈمرل ظفر محمود عباسی ءَ دوئیں ملک آنی زرّئی اُرد آنی نیام ءَ تکنیکی مردم آنی ھاٹیگ ءُُ کزبی ازمکاری آنی پجاری ءُُ جتا جتائیں شوبگ آنی تہءَ دو نیمگی کمک ءَ را گیش ودینگ ءِ سرءَ ھم گپ ءُُ تران کت۔ رائل اردن نیول فورس ءِ سروک ءَ پاک بحریہ ءُُ رائل نیول فورس ءِ نیام ءَ جتا جتائیں شوبگ آنی تہ ءَ استیں مھکمیں ءُُ نزیکیں زرّئی یکوئی آناں ساڑات۔ ایشی ءَ چہ پیسر پاک بحریہ ءِ سروک ءَ اردن ءِ رائل ائیر فورس ءِ سروک ءَ گوں گند ءُُ نند کت۔ رائل ائیر فورس ھیڈکوارٹر ءَ آیگ ءِ پد ءَ نیول چیف ءَ را دود ءُُ ربیدگی رنگ ءِ گوما سلامتی پیش کنگ بوت۔
