اسلام آباد۔ 25 جنوری (اے پی پی) بنجاھی وزیر برائے بنی آدمی ھک ڈاکٹر شیریں مزاری ءَ گوشت کہ مقبوضہ کشمیر ءَ بنی آدمی ھک آنی لگت مالی بنی آدم دوستی ءِ ھلاپ ءَ جرم اِت، کشمیر ءِ کوھنیں جیڈھ ءِ گیواری ءِ واستہ میاں اوستمانی برات آناں دیم ءَ جنزگ لوٹ ایت ءُُ مقبوضہ کشمیرر ءَ جاڑیگیں بنی آدمی ھک آنی ھاترا گوانک چست کنگ لوٹ ایت، استیں حکومت اے کوھنیں جیڈھ ءِ گیواری ءِ واستہ ایوک ءَ بیان بازی ءِ مٹ ءَ پکوئیں گامگیج کنگ ءِ واستہ جزمیگ اِنت۔ اے ھیالانی درشانی آئی ءَ آدینگ ءِ روچ ءَ ساؤتھ سینٹر فار پیس اینڈ ہیومن رائٹس ءِ چیئرمین پروفیسر نذیر احمد شال ءَ گوں گند ءُُ نند ءِ ساھت ءَ کت۔ اے موہ ءِ سر ءَ آزات کشمیر یونیورسٹی ءَ کانود ءِ شوبگ ءِ ھیڈ ءُُ ساؤتھ ایشیا سینٹر فار پیس اینڈ ہیومن رائٹس آزات کشمیر ءِ انچارج میر عدنان رحمان ھم اے موہ ءِ سر ءَ ساڑی ات۔ اے موہ ءِ سر ءَ مقبوضہ کشمیر ءَ بنی آدمی ھک ءِ استیں جاور ھال ھاسیں رنگ ءَ بھارتی مقبوضہ کشمیر ءَ بنی آدمی ھک آنی لگت مالی ءُُ کشمیری الس ءِ کوھنیں آجوئی ءِ ھوالگ ءَ جیڈھ آنی سرءَ ھیال ریچی کنگ بوت۔ بنجاھی وزیر برائے بنی آدمی ھک ءَ مقبوضہ کشمیر ءَ بھارت ءِ نیمگ ءَ ریاستی ناشرکاری ءَ را مذمت گران ءَ گوشت کہ مقبوضہ کشمیر ءَ بنی آدمی ھک آنی جاور ھال سک باز دلرنجی اَنت۔ آئی ءَ گوشت کہ بھارت مقبوضہ کشمیر ءَ بنی آدمی ھک آنی لگت مالی ءَ کنگ ءَ انت۔ مقبوضہ کشمیر ءَ بنی آدمی ھلاپ ءَ جرم اِت۔
