ECNEC , Executive Committee of the National Economic Council

اسلام آباد۔ 25جنوری (اے پی پی) قومی اقتصادی کونسل نا انتظامی کمیٹی (ایکنک) ملک آن پولیو نا چٹفنگ کن 986.26ملین ڈالر نا خڑچ انا ہلہلئی نظر ثانی مروک پلان نا منظوری ءِ تس۔ ایکنک نا دیوان بنجائی وزیر خزانہ اسد عمر نا سرکڑدہ ہی ٹی جمعہ نادے آ مس۔ دیوان اٹی ملک آن پولیو نا چٹفنگ نا پروگرام نا سرجمی اٹ جاچ ءِ ہلنگا اوکان پد ایکنک پولیو نا چٹفنگ کن نظرثانی مروک ہلہلئی پلان نا منظوری ءِ تس۔ دا پروگرام آ خڑچ انا تخمینہ 986.26ملین ڈالر خلنگانے۔ داہلہلئی ڈٹ انا مسخت دا نا کمک اٹ لس ویکسینیشن آن بیدس ہم ملک اٹی ودکی پولیو خاتمہ مہم ءِ چلیفوئی ءِ۔ داکان بیدس پولیو وائرس نا منتقلی نا چاروکی کن انوائرمنٹل سرویلیئنس ءِ ہم کاریم اٹ اتنگک۔ ایکنک مردان۔صوابی42کلومیٹر روڈ انا فزیبلٹی سٹڈی و ڈبل کننگ نا منظوری ءِ تس۔ مردان۔صوابی شاہراہ نا ڈٹ آ 9550.10 ملین روپئی نا خڑچ بریک۔

متعلقہ مضامینمصنف کی طرف سے مزید