اسلام آباد۔ 25جنوری (اے پی پی) گلگت بلتستان و کشمیر اٹی گڑاس ہند آتیا پین پڑی پڑی پِر و مش تیا برف وخت اس کہ پنجاب نا میدانی علاقہ و بڑزکو سندھ اٹی دے و نن نا وخت اٹی گوتلو کننگ نا گمان ءِ۔ محکمہ موسمیات نا رداٹ اینو(ہفتہ) نا دے آ ملک انا گیشتر علاقہ غاتے ٹی موسم یخ و پِرکپک ولے قلات، ژوب و کوئٹہ ڈویژن اٹی گڑاس ہند آتیا پِر و مش تیا برف انا گمان ءِ۔ داٹی پنجاب نا میدانی علاقہ و بڑزکو سندھ اٹی دے و نن نا وخت اٹی گوتلو کننگ نا گمان ءِ ۔ گدرینگوک آ 24گھنٹہ ٹی ملک انا گیشتر علاقہ غاتے ٹی موسم بھاز یخ و پِرکتنے ولے مالاکنڈ ڈویژن و کشمیر اٹی گڑاس ہند آتیا پِر و مش تیا برف مس۔ غٹ آن زیات پِر خیبر پختونخواٹی مالم جبہ 2، لوئردیر، سیدوشریف1، کشمیر اٹی گڑھی دوپٹہ نا ہند آ 2ملی میٹر پِر ریکارڈ کننگا۔ داٹی مالم جبہ ٹی اسہ انچ برف باری ریکارڈ کننگا۔ ملک اٹی غٹ آن کم درجہ حرارت بگروٹ، کالام منفی 12، اسکردو ٹی منفی 11 ڈگری سینٹی گریڈ ئس۔ داکان بیدس استور منفی 8، قلات ، مالم جبہ ، گوپس منفی 7، کوئٹہ منفی 6، ہنزہ منفی 5، پارہ چنار، راولاکوٹ منفی 4، مری ، دیر میر کھانی منفی 3 جبہ چترال ، کاکول ، ژوب و دروش اٹی کم آن کم درجہ حرات منفی 2 ڈگری سینٹی گریڈ ریکارڈ کننگا۔
