اسلام آباد۔ 25جنوری (اے پی پی) تحریک انصاف نا باسک قومی اسمبلی راجہ خرم نواز پارینے کہ کرتار پور بارڈر ملنگ آن بھارتی وزیراعظم مودی ڈکھیا ءِ، او بیان تا کمک اٹ گچین کاری تے ٹی سرسہبی دوئی کننگ خواہک۔ جمعہ نادے آ پارلیمنٹ ہاؤس نا پیشن میڈیا تون گپ و تران کرسا اوپارے کہ نواز شریف نا جان جوڑی نا بابت بیانک بے بنداو ءُ۔ اوپارے کہ کرتار پور بارڈر ملنگ آن بھارتی وزیراعظم مودی ءِ بھاز ڈکھ مسنے۔ بھارتی پنجاب نا سکھ آک کرتارپور بارڈر ملنگ آ پاکستان ناحکومت نا منت واری ءِ ہرفیر ولے بھارتی وزیراعظم بھارت اٹی گچین کاری تا سرسہبی کن پاکستان مخالف بیان تننگ ءِ ولے داسہ بھارت نا الس ہم پہہ مسنے کہ مودی گچین کاری تیٹی سرسہبی کن الس ءِ ہشکا تننگ ءِ۔
