اسلام آباد۔ 25جنوری (اے پی پی) پاکستان پیپلزپارٹی نا باسک قومی اسمبلی و مسکوہی وزیراعظم راجہ پرویز اشرف پارینے کہ ایوان نا تقدس ءِ برجاتخنگ ننا غٹ انا زمواری ءِ، ولے اگہ پیپلزپارٹی نا سرکڑدہ غا جلہو ءِ برجاتخنگا تو ایوان نا کارروائی ءِ چلینگ انگ کن الیپنہ۔ جمعہ نادے آ قومی اسمبلی ٹی مسکوہی وزیراعظم راجہ پرویز اشرف اعتراضی ٹک آ پارے کہ اونا حلقہ ٹی گیس و بجلی نا بھاز لوڈشیڈنگ ءِ ہرانا سوب آن اسکول آ ہنوک آ چناتے ہم بھاز مشکل آتون مون تروک ءِ۔ تحصیل گوجر خان نا الس نا دا ویل انا دمدستی نوٹس ءِ ہلنگے۔ اوپارے کہ دا ایوان نا تقدس و اسپیکر چیئر نا شرف نا خیال ءِ تخنگ ننا غٹ انا فرض ءِ۔ نن اسہ ایلو تون پک کریسن کہ چاگڑد ءِ جوان تخنہ ولے ننا سرکڑدہ غا جلہو کننگا۔
