سی پیک نا رداٹ 19 ارب ڈالر مالیت نا 10 ڈٹ پورو، 12ڈٹ پوروی نا مرحلہ غاتے ٹی ءُ، چینی سفارت خانہ

اسلام آباد۔ 25جنوری (اے پی پی) چین پاکستان اقتصادی راہداری ڈٹ انارداٹ 19 ارب ڈالر مالیت نا 10 ڈٹ ءِ پورو کننگانے وخت اس کہ 12 ڈٹ پوروی نا آخیریکو مرحلہ غاتے ٹی ءُ ، دا ڈٹ آتیان پاکستان اٹی روزگار نا پوسکن ءُ وارخواہی ودی مسنے۔ راولپنڈی آن خنجراب اسکان آپٹیکل فائبر کیبل نا ڈٹ ءِ ہم پورو کننگانے۔ چینی سفارت خانہ نا کمامدارآک ’’اے پی پی‘‘ ءِ پاریر کہ سی پیک آن پاکستان اٹی 2030 ء اسکان روزگار نا 7لکھ آن زیات پوسکن ءُ وارخواہی ودی مریک ہراڑان غریبی نا کچ اٹی کمتی و بے روزگاری نا چٹفنگ اٹ کمک رسینگک۔ سی پیک نا پوروی آن پاکستان اٹی شونہالی نا پوسکن ءُ درگہ ملنگک، ڈٹ انا برخلاف ہچ ءُ سازش اسے سرسہب مننگ کن الیپنہ، کمامدارآتارداٹ چین پاکستان اقتصادی راہداری (سی پیک) ڈٹ الس نا زند انا آب ءِ گچین جوڑ کننگ اٹ گیم چینجر ڈٹ اس جوڑ مریک۔ شون ہلوک ملک مننگ نا خاطر پاکستان سی پیک ڈٹ آتے کن بیرہ ہندی وسیلہ غاتیا بھرسہ کننگ کپک ، ڈٹ آن چندی ڈیہہ تا نیام اٹ رابطہ سازی گچین مریک وخت اس کہ پاکستان اٹی انفراسٹرکچر نا گچینی ممکن مننگ کیک۔ ساڑی آ سال تے ٹی بلٹ اینڈ روڈ انا رداٹ چندی ڈٹ آتے ٹی سرسہبی اتون کاریم ءِ پورو کننگا۔ سی پیک آن پد پاکستان معیشت آ چاہندارآتیا بھلو نظر اسے پاکستانی معیشت ءِ وسیلہ غاتا گرج ءِ و دا وسیلہ غاک پاکستانی معیشت ءُ دوئی مننگ ءُ۔