اسلام آباد۔24جنوری (اے پی پی) پاکستانءَ گشتگ کہ بھارت کرتار پور کوریڈور ڈار فٹ من ءُ گر ءَ را گڑی دروشم ءِ دیئگءِ ہوالگءَ ناسرپدی کار کنگءَ ایں، اسرائیلل ءِ ہوالگءَ پاکستانءِ پالیسی مٹ کنگ نہ بوتگ اَنت، پاکستانءِ سرڈگارءَ داعش نیست، پاکستان ءُ گتر دوحہ ءَ طالبان ءُ امریکہ ءِ نیامءَ سولءُ تران ءَ آسراتی پھجارینگءَ اَنت، پاکستانی زری سیمسراں بھارتی جانشو آنی لانچ ءِ تباہ کنگءِ نئی دہلی ءِ بھتان بے سر اَنت، امریکی صدر ءُ مزن وزیر عمران خان ءِ گندءُ نند کنگءِ ہوالگءَ رمس ٹھینگ نہ بوتگ۔ پنچ شمبے ءِ روچءَ دری کارانی کارگس ءِ جارچین ڈاکٹر محمد فیصل ءَ ہفتگی شونشت ءَ صحافی آنی بازیں جستانی پسو داتگءُ گشتگ کہ پاکستان ءَ کرتار پور کوریڈور ءِ ہوالگءَ ڈرافٹ منءُ گرءِ ہوالگءَ بھارتءَ را سرءُ سوج کتگ بلے بھارتءَ ناسرپدی پیش داشتگءُ پسو دیئگءِ بدلءَ فوکل پرسن دیم دیئگءَ چہ مکن کتگءُ پاکستانی ڈل ءِ دہلی ءِ ترءُ تاب کنگءَ دو جتاہ جتاہیں رمس ایر کتگ۔
