بنجاھی وزیر اھوالکاری ءُُ شنگ کاری چوہدری فواد حسین ءِ بنجاھی کابینہ ءُُ پنجاپ ءِ جاور ھال آنی ھوالگ ءَ دیوان ءَ پد میڈیا ءَ را بریفنگ

اسلام آباد۔ 24 جنوری (اے پی پی) بنجاھی کابینہ ءَ میڈیا ریگولیٹری اتھارٹی ءِ برجائی، ای او بی آئی ءِ پنشنرز آنی پنشن آنی تہ ءَ 10 درسد گیشی، پیمرا کمپلینٹ کونسل لاہور ءِ واستہ بیرسٹر محمد احمد ءُُ سحر زرین ءِ ممبر ءِ بستار ءَ ، پیمرا بلوچستان کنوسل ءِ واستہ عبدالجلیل ءِ بطور چیئرمین، ہمایوں احمد ،ایم عظیم کاکڑ، ریحانہ خلیجی ءَ را بطور ممبر آرڈر ءِ منظوری ءُُ 58ملین ڈالر ءِ گرانٹ ءِ منظوری داتگ، اے گرانٹ ہاؤسنگ ءِ شوبگ ءِ واستہ کارمرد بنت، مزن وزیر عمران خان ءَ ساہیوال واکیہ ءِ سرءَ زوت انصاف ءِ پجاری کنگ ءُُ پنجاپ پولیس ءِ سرءَ زوت کار ءِ پنت ءُُ شون داتگ، پنجاب ءَ اولی بھر ءَ 100ماڈل پولیس سٹیشنز جوڑ کنگ بیت، خیبرپختونخوا ءِ نمونگ ءِ پولیس ایکٹ پنجاب ءَ آرگ بیت۔ پاکستان ءَ اولی رند ءَ دگنیا ءِ واستہ اوپن کنان ءَ ویزہ ’’رجیم‘‘ ءِ تہ ءَ مزنیں کساس ءَ مٹی آرگ ءِ پیسلہ کنگ بوتگ، مزن وزیر عمران خان ءَ ایراکواین ڈی ایم اے ءِ تہءَ ھوار کنگ ءِ کار ءِ سر ءَ دل یکیمی ءِ درشان کنان ءَ پنت ءُُ شون داتگ کہ ’’ایرا ‘‘ ءَ را زوتیں رنگ ءَ این ڈی ایم اے ءِ تہ ءَ ھور کنگ بہ بیت۔ بنجاھی وزیر اھوالکاری ءُُ شنگ کاری چوہدری فواد حسین ءَ پنچ شمبے ءِ روچ ءَ میڈیا ءَ را برییفنگ دات ءُُ گوشت کہ مزن وزیر عمران خان ءِ سروکی ءَ پنجاب ءَ گوں سیاسی داروکیں مزن تک ءِ دیوان ءِ برجم دارگ بوت ایشی ءِ تہ ءَ سر وزیر پنجاپ، چیف سیکرٹری پنجاب ءُُ آئی جی پنجاب شریک بنت۔ دیوان ءَ پیسلہ کنگ بوت کہ پنجاپ پولیس ءِ سر ءَ کار کنگ بیت ایشی ءِ چیر دستی ءَ 100ماڈل پولیس سٹیشنز جوڑ کنگ بیت ءُُ خیبر پختونخوا ءَ پولیس ءِ سرءَ کار کامیاتیں تجروبت ءَ گوں نپ زورگ بیت کنت، پنجاپ ءِ ردئی دور کنان ءَ خیبر پختونخوا ءِ نمونگ ءَ پولیس ایکٹ آرگ ءِ پیسلہ کنگ بوتگ۔ مزن وزیر عمران خان ءِ ساہیوال منوگری ءِ سر ءَ زوت انصاف ءِ پنت ءُُ شون داتگ ءُُ کارندہ آناں گوشت دست مانجنیں مردم آنی کیس آناں زوتاں زوت آمید گس ءَ پیش کنگ بہ بیت۔