اسلام آباد۔ 24 جنوری (اے پی پی) چیئرمین سینٹ محمد صادق سنجرانی ءَ گوں پاکستان بیت المال ءِ منیجنگ ڈائریکٹر عون عباس بپی ءَ گند ءُُ نند کت۔ گند ءُُ نند ءِ ساھت ءَ پاکستان بیت المال ءِ منیجنگ ڈائریکٹر عون عباس بپی ءَ گوشت کہ آ صوبہ بلوچستان ءَ ھوار دُور ءُُ گستائیں دمگ آنی گریب ءُُ بزگریں مردم آنی واستہ گامگیج کنگ ءِ سر ءَ دل یکیمی دار ایت۔ آئی ءَ چیئرمین سینیٹ ءَ را گوشت کہ بزگریں مردم آئی ادارگ ءَ تاں سر بوھگ ءِ واستہ سرجمیں ملک ءَ چہ 22 ضلع آنی نشان دیگ بوتگ ھمودا کہ گریب مُچ انت، اے رد ءَ گریب آنی ھاترا آباتی ءِ رد ءَ بجٹ گیشینگ بوتگ ءُُ آ دمگ آں مردم آنی الکاپی ءَ کمک کنگ بیت۔ آئی ءَ گوشت کہ پاکستان سویٹ ہومز دستکاری سکول ءُُ چائلڈ لیبر ءِ وانگ جاھ آں ھوار ادارگ ءِ توامیں گہبودی منصوبگ آناں پراھ ءُُ شاھیگان کنان ءَ بلوچستان ءِ کنڈ کنڈ ءَ تاں سر کنگ بوھگ ءَ انت۔ چیئرمین سینیٹ ءَ ایم ڈی بیت المال ءِ نیمگ ءَ ملک ءِ بزگر آنی کمک ءِ ھاترا چست کتگیں گامگیج آناں ساڑات ءُُ چاگردی رکھینگ ءِ پڑ ءَ ھمک رنگ ءُُ نمونگ ءِ کمک کنگ ءِ دل یکیمی دات۔
