بنجاھی وزیر توان عمر ایوب خان ءِ ڈنمارک ءِ سفیر رولف مائیکل ءِ سروکی ءَ ڈنمارک ءِ ھاٹیگ ءِ پڑ ءِ سرمایہ کار آنی ڈل ءَ گوں تران

اسلام آباد۔ 24 جنوری(اے پی پی)بنجاھی وزیر توان عمر ایوب خان ءَ ڈنمارک ءِ سرمایہ کار آنی نیمگ ءَ ھاٹیگ ءِ پڑ ءِ منصوبگ آنی واستہ ’’بولی‘‘ ءِ کار ءِ تہ ءَ بھر زوری ءَ را ساڑات ءُُ گوشت کہ 2025ءَ تاں انرجی مکس ءَ ھاٹیگ ءِ بھر 20درسد ءُُ 2030ءَ تاں 30درسد ءَ تاں گیش ودینگ بیت۔ آئی ءَ اے ھیالانی درشانی پنچ شمبے ءِ روچ ءَ ادا پاکستان ءَ ڈنمارک ءِ سفیر رولف مائیکل ہے پر یرا ہالموب ءِ سروکی ءَ ڈنمارک ءِ ھاٹیگ ءِ شوبگ ءَ سرمایہ کار آنی یک ڈلے ءَ گوں تران کنان ءَ کت۔ اے موہ ءِ سر ءَ ھاٹیگ ءِ ھوالگ ءَ مزن وزیر ءِ ٹاسک فورس ءِ چیئرمین ندیم بابر ھم ساڑی ات۔ بنجاھی وزیر ءَ ڈل ءَ را گوشت کہ ھاٹیگ ءِ پالیشی ءِ منظوری ءَ چہ پد جوانیں ھاٹیگ ءِ منصوبگ آنی واستہ ’’بولی‘‘ ءِ کار گوزوکیں سال ءِ سیمی یا چارمی سئے ماھ ءِ وھد ءَ کنگ بیت۔ آئی ءَ گوشت کہ پاکستان ھاٹیگ ءِ پالیشی آنی پڑ ءَ کار کنگ ءَ انت ایشانی مول ءُُ مراد سستائیں منصوبگ آں چہ انرجی مکس ءَ آئی ءِ بھر 4درسد ءَ چہ ودینان ءَ 2025ءَ تاں 20درسد ءُُ 2030ءَ تاں 30درسد کنگی اِنت۔ آئی ءَ گوشت کہ پاور ڈویژن پیسریگیں حکومت ءِ باریگ ءَ اوشتاتگیں ھاٹیگ ءِ منصوبگ، کابینہ ءَ چہ منظوری ءَ پد شور ءُُ سلاھ آنی سر ءَ کار کنگ ءَ اِنت۔